• June 5th, 2020
Login / Register

Opate yUukwiyu Uushona ya teka po komeya


ONANKE-Kansela gwoshikandjohogololo shUukwiyu Uushona Andreas Amundjindi okwa kunkulile aakalimo yomoshikandjohololo she ya kotokele opate ndjoka taye yi fala kOndangwa oshoka oya nika oshiponga sho ya yonagulwa komvula omasiku ga zi ko.

Amundjindi okwa hokolola kutya ngashingeyi aakwashigwana oya pumbwa okukala ya tseya nawa oondjila ndhoka tadhi kengelele omeya oshoka ondjila ndjoka ya za kOndangwa yuukilila koshikandjohogololo oya teka po komeya noya nika oshiponga ngashiingeyi.

“Opate ndjoka itayi vulu wee okwendwa kiihauto oshoka oya teka po manga komeya. Shoka sha etitha omeya ga kale taga kunguluka nuudhigu ooshoka kutya elelolyondoolopa lyaNdangwa sho lya tungu omatale gohanya mpoka pwali tapu kungulukwa komeya ngashingeyi opwa thita,” osho Amundjindi a hokolola ngaaka omanga e li mokapulaapulo ki ikalekelwa komutoolinkundana.

Amundjindi okwa ti onkalo ndjoka ya nayipaleka opate ngashiingeyi oya kundathanwa kelelo lyondoolopa, ombelewa yoshikandjo noshowo olutu ndoka halu ungaunga noopate lwedhina Road Authority mpoka pwa li pwa ziminwa kutya onkalo ndjoka otayi ka kandulwa po muule wethimbo efupi.

Ashike Amundjindi okwa li a popi kutya nonande mpoka otapu ka tulwa opate onduudhe yopokathimbo ndjoka tayi vulu okulongithwa omanga epangelo tali ningi omalongekidho ga kola mokukala lya sa oshimpwiyu kutya omukundu ogwa kandulwa po thiluthilu onkene ngaa omalongekidho ga katekwa komvula mpana.

Onkene okwa indile opo aakwashigwana ya yande okulongitha opate ndjoka pokathimbo haka unene mboka taya yi koondoolopa yaNdangwa omanga omeya taga pwini opo opate yi longwe.
Okwa ti epangelo ngashiingeyi otali longo nuudhiginini mokumona kutya omukunda nguka itagu iyendulula ishwe omumvo tagu ya ngele omvula ya loko.


Loide Jason
2020-03-04 07:54:36 3 months ago

Be the first to post a comment...

You might also like...