• August 6th, 2020
Login / Register

Opolisi ya kwata po mwene gwefaktoli moSouth Africa



Sho aalandi oyendji ya li ya nyenyeta kombinga yongeshefa yimwe yomoDurban oya li ya eta opo opo mwnene gwongesshefa  a kwatwe po naaniilonga 14 ya hupithwe mboka ya li ya patelwa mefaktoli noya li ya thiminikwa ya ninge omamask uule womasiku gahamano..

Omukuluntu moshitopolwa shaKwazulu-Natal ngele tashi ya keyambulepo lyeliko, uupashiyoni osho wo onkalonawa yomidhingoloko Nomusa Dube-Ncube okwa ti okwa li a thita po sho a li a uvu olopota ndjika okuza kaanambelewa mboka ya li ya pewa oshinakugwanithwa okuungaunga nomanyenyeto ngaka ga li ga nyenyetwa mOsoondaha.

“Kape na iitya nomatumbulo tayi vulu okuulika ongeyo yandje okulandula olopota ndjoka nda li nda mono okuza kaanambelewa mboka ya li ya ka konaakona omantyenyeto mOsoondaha.
“Shika oshi na sha naaniilonga 14 mboka ya li ya patelwa mefaktoli okuza Omaandaha goshiwike sha za ko. Oya li ya thiminikwa okulonga uumask omathele opo ya gwanithe po ompumbwe yuumask okukeelela ombuto yocoronavirus.” Dube-Ncube ta ti sho ya li ya talele po oositola osho wo ooaptieka dhimwe, oya li ya ndhindhilike kutya aantu yamwe oya li ya thiminikwa opo ya fute oshimaliwa shi thike poo-R780 memask limwe.

“Kombinga yenyenyeto lyongula yonena, otwa pewa uuyelele kombinga yokwaa iyutha koompango kwokampani yaaChina yedhina Chen Lu ndjoka yi li mo Glen Anil, Durban.
Ta ti aakonaakoni okuza koshikondo shegameno lyaalandi (Consumer Protection Unit), mboka taya konaakona omanyenyeto kombinga yeyonagulo lyoondando osho wo uuthemba waalandi, oya hupitha aaniilonga 14 mboka ya li taya longo monkalo ya nayipala. Aaniilonga oya li ya falwa kopolisi komangumbo gawo.

“Oooyene yefaktoli oya li ya mangwa po naakonaakoni moshikondo shokuya po noompito dhiilonga otaya ningi omakonaakono ga kwata miiti. Shika oshi na sha nokwaa iyutha kontotwaveta yi na sha nonkalo yiilonga nonkalonawa yi na sha negameno lyaaniilonga,” ta ti ngaaka. Dube-Ncube ta takele wo omunwe aakeeleli yomaliko mboka ya li anuwa yu ulike aanambelewa iifufuta.

“Onda li nda pula aanambelewa yegameno ya konaakone okampani ndjika. Sha simana, onda li nda pula ya shilipaleke ngele omunambelewa omukwashigwana gwaChina ngoka a li a ulike aantu ondjembo ngele oku na tyuu uuthemba wondjembo ndjoka. Oye na wo okupatululilwa oshoipotha shokuya iilonga yopolisi moshipala.

“Onda hala okutsa omuthindo kutya tse onga oshikondo, otatu tsikile nokushana mboka taya longitha omukithi gwocoronavirus onga omukalo gwokutula oondando dhiikuilya nomiti pombanda shaa li 
paveta.
 


Staff Reporter
2020-03-30 08:58:28 4 months ago

Be the first to post a comment...