• November 17th, 2019
Login / Register

Oprograma yaNamibia tayi ka ulikwa koTV



Paheja Siririka

WINDHOEK – Ihamu inyenge mwaa na okapuka, shi li komalungula tashi popiwa nokokahwa edhilaadhilo
lyoprograma yoThe Namibian House, ndjoka aantu oyendji ya kala noku ipula ngele otayi ka mona tuu oonte dhetango nenge pamwe itayi ka pita. Omukuluntuwiliki gwedhilaadhilo ndika Farai Mamina okwa kwashilipaleke kutya ndhoka tadhi fofodholwa odhoshili.

“Ope na ompumbwe yokugandja omayinyanyudho taga shata nawa koTV okuza mo2020 naashoka tatu vulu okutya ngashiingeyi okutya opograma ndjika otayi ka gwitha oyendji kiipundi, shoka tashi yi ningitha yi ka kale yi na iinyandwa inaayi tegelelwa,” Mamina ta ti ngaaka.

Ta ti etompelo enene lyokuya po noporograma ndjika tayi ka ulikwa ethimbo tayi dhanwa okugandja omayinyanyudho ga dhenga mbanda omutenya nuusiku omanga taku tungwa uukumwe, okutaambathana
ko komithigululwakalo dha yooloka, uunkulungu, elongo, uupashiyoni osho wo iilandithomwa.

Ta ti oprograma otayi kala yi na iiluku iyali yoNamibian House (Season 1 noSeason 2), shoka sha hala okutya oomwedhi hamano tatu nyanyudhwa.  “Oprograma ndjika otayi ka ulikwa oowili 24 koshitaasi
shimwe shoNBC TV osho wo koZambezi Magi c ,” Mamina ta ti ngaaka.Okwa ti omwa pumbwa elunduluko
lyoopolograma moshimpungu shomainyanyudho. Ta ti opo egumbo lyi ye komeho, oya pumbwa aanegumbo 24, yaali okuza moshitopolwa kehe.

“Osha simana okukwatela mo aantu yi ili naashika otashi ka kala wo tashi gwedha ko kuuyamba
wom it h i g u lu lw a k a l o ,” ta ti ngaaka. Ta lombwele woEntertainment Now kutya
opo taya kongo natango egumbo moka tamu ka dhanenwa oporagama ndjika moWindhoek.
Edhilaadhilo ndika olya li lya ndulukwa po kuMamina ngoka ta longo pamwe nayakwawo.
Otaya ka tala kAanamibia mboka ye li pokati koomvula 20 no34.

Opwa li pe na omapulo n oma l imb i l i l o kut y a omolwashike aakuthimbinga ye na okufuta iifuta yoku ya
mo ngaashi sha li sha holoka komalungula, naMamina okwa ti ayihe mbyoka otayi ka pumbiwa okufuta iinima yontumba.

“Ope na iifuta mbyoka yi na okukala po pethimbo lyomalolelo sho taku kongwa aanegumbo. Shika omwa
kwatelwa iifuta yokufuta ehala, aahogololi, omathano nayilwe,” osho Mamina a fatulula ngaaka.
Omalolelo otaga ka kala uule wiiwike iyali okuza momasiku 04 Kotomba 2019.


Staff Reporter
2019-09-06 09:26:29 2 months ago

Be the first to post a comment...

You might also like...