• November 14th, 2019
Login / Register

Oradio Shipi FM tayi taandelitha omakuthikuthi gayo



Victoria Kaapanda

OSHAKATI-Oradio yedhina Shipi fm otayi taandelitha nokwaandjaneka omakuthikuthi gawo miitopolwa oyindji yoshilongo muule womasiku 60.

Ndhoka odha popiwa komunashipundi oshowo omukuluntu gwehangano Shipanga Holding , Martin Kaali Shipanga ohela sho ya patulula omuyelo dhoradio yawo pambelewa nokutyapula evalo lyoradio yawo sho ya gwanitha oomvula ndatu sho ya li ya tameke okulonga oku za 2016.

Oradio yoshigwana ndjoka hayi tumu omawi mombepo Melaka lyOshiwambo oshowo melaka lyopambelewa, oyi li mondolopa yaNdangwa moshitopolwa shaShana no hayi uvikila pomakuthithi 103.6 miitopolwa yokonooli.

Shipi fm ngoka ha pulakenwa miitopolwa oyindji yomonooli, ngaashi Oshana, Oshikoto, Ohangwena, oshowo Omusati, otayi tsikile okutaandelitha omakuthithi gawo momasiku omafupi sigo Tsumeb, Grotfontein oshowo Otavi.

Shipanga okwa li a popi ta ti muule womasiku 60, oondolopa ngaashi Otjiwarongo, Swakopmund oshowo Walvisbay otadhi kala dha thikithilwa omakuthikuthi nokupulakena koradio yoShipi fm.
“Oradio yetu pomahala ngoka inaga thika po ihe ope na omakuthikuthi gotv, napo ohapu vulu oku pulakenwa ko-Dstv 846 oshowo Gotv 313”, Shipanga ta ti ngaaka.

Ta gwedha po ta ti oradio ndjika inayi hulila ashike moNamibia ashike nayo ohayi vulu okupulakenwa uuyuni awuhe, ano paintaneta oku pitila kepandja  tali ithanwa Garden Radio.

“Ngashi naana hatu shi popi kutya oradio  oyoye mwene, otwa hala kutya oyoshigwana ashihe, notwe yi tulilapo okuyambulapo nokukwathela oshigwana, oshowo okupa aakwashigwana ompito yoradio, ihe elalakano hakuninga oshimaliwa ”,Shipanga ta ti ngaaka.

Shipanga ta ti Shipi fm okwa etwa po kehangano tali ithanwa Shipanga Holding,  lya longitha oshimaliwa shi vulithe poomilliona N$5 olyo alike.

Minista gwomawuyelele Stanley Simataa okwa ti okwa pandula noonkondo kiilonga iinene tayi longwa koShipi fm, oshoka oradio osho oshinima sha simana ngele tashiya komauyelele.

“Oshi li oshinakugwanithwa shetu onga epangelo kutya ngele tashi ya komawuyelele kehe gumwe na kale a kundanekwa okupitila miikundaneki ya yololoka muNamibia alihe, Simataa ta ti.
Shipi fm okwa li a pandula ayehe ya li ya yambidhidha nokashona hoka ya li ya iyamba opo oradio ndjika yi ye komeho nokupatulula omiyelo dhawo pambelewa oshowo okudhana oshituthivalo oshititatu. 
 


New Era Reporter
2019-07-31 07:26:45 3 months ago

Be the first to post a comment...

You might also like...