• October 31st, 2020
Login / Register

Osekundo yaShakati ya tyakaleka moliha yoGalz & Goals



Oshakati - Oshiwike sha za ko osekundo yaShakati oya li ya holola kutya oyo tayi ti pii mokatanga kokoompadhi kuukadhona konima sho oosipana dhawo adhihe dhokohi yoomvula 17 noomvula 20 dha li dha tyakaleke oosikola oonkwawo moshitopolwa shaShana nokusindana po uudhano woliha yoGalz & Goal.

Okatanga kokoompadhi mosekundo yaShakati oke li ka ninga okati komokutsi nuunangula mbuka ohawu undula okatanga onga uukodhi ta wu ka lala noosikola odhindji ndhoka dha li dhi idhenge mo odha li dha zi po ompadhi ketako.

Oosipana ndhika odha li dha mono ombandi yoshingoli sho oliha yoGalz & Goals ya li ya thiki pehuulilo oshiwike sha za ko.
Muudhano wuukadhona wu li kohi yoomvula 17 Mwadhina gwaNembenge SS okwa li a toola po ehala etiyali.
Iipumbu SS okwa li a toola po ehala etiyali muudhano wokohi yoomvula 20 omanga Mweshipandeka SS a li eya pehala etitatu, omanga Eluwa Special School lya li lyeya pehala etine nolyahugunina.

Muudhano wuukadhona wokohi yoomvula 15 International Primary School (I.P.S) oye enyakwa lyuudhano mbuka konima sho a li a dhengemo ooprima adhihe ndhoka dha li dha kutha ombinga muudhano mbuka.
Ongwediva JS oya li ya toola po ehala etiyali , omanga Eluwa Special School lya li lyeya puutitatu.

Oosipana kehe odha li dha pewa oombandi shi ikwatelela komahala gawo momusholondodndo gwoliha moka osipana kehe ye ya tango ya li ya pewa oombandi dhoshingoli, oosipana ndhoka dheya puutiyali dha pewa oombandi dhoshisiliveli, omanga oosipana oontitatu dha pewa oombandi dhoshikushu.

Oliha yoGalz &nGoals monooli oyi li oshitopolwa shaNFA shomapendulepo gwokatanga koomeme miitopolwa, noyi li yi na wo etumwalaka lyankene uukadhona wu na okwiikaleka kokule niinima ya pamba omilalo, okuninga omapunda hoka kwa vuka mokati kuunona uuAfrica, nankene ye na okwiigamena kombuto yoHIV/Aids.
Galz & Goals oku na iitayi oyindji moshilongo moka oshitayi shokonooli sha li sha manitha omawudhano gawo oshiwike sha zi ko mOngwediva.


Shipi Elago
2018-11-16 11:26:55 1 years ago

Be the first to post a comment...