• March 31st, 2020
Login / Register

Oshipangelo shaNandjokwe tashi yakula nawa…Ashike aavu oyendji unene taya mbombolokele koshipangelo hoka



Victoria kaapanda

ONIIPA - Oohanana dhili ndatu ashike dha hulitha omvula ndjika, moohanana dhili dhi vule 520 dha monenwa moshipangelo oshinene shotango shomonoli shaNandjokwe mOndangwa.

Dhoka odhapopiwa komunambelewa guunamati omukuluntu gwoshipangelo oshinene shaNandjokwe Siraji Saad Rwehumbila Etitatu lyoshiwike shika.

“Shika otashi ulike lela kutya oshipangelo shika otashi longo nawa okuhupitha omwenyo dhaantu. Iipangelo yilwe otayi kanitha oomwenyo dhuhanana wuvulithe pomwalo ngoka sha pitilila, nonande oshipangelo shetu osho hashi yakula omeme taya mono unene oyendji unene monooli,” Rwehumbila ta ti ngaaka.

Dhoka Rwehumbuila okwali e dhi popi esiku Namibia naFinland yali taya tyapula oomvula 150 dhuukume wombili mOndangwa, sho kwali ta ulike oshipangelo  shotango kwali shatotopwa komusomi omundohotola Selma Rainio ngoka ali a lukwa gwaNandjokwe .

Ta ti aanumvu oyendji ohaya yakulwa moshipangelo shaNandjokwe, ihe kashishi netompelo kutya ohashi panga hwepo shivulithe iipangelo ikwawo, oshoka kutya aantu oya itaala ashika kutya osho oshipangelo shawo shotango nekwatathano pokati kawo noshipangelo shaNandjokwe enene.

Ta gwedha po ta ti oto adha aanuvu taya zi kOkahao, nenge kOutapi taya pitilile oshipangelo oshinene shaShakati taya ka mona uuhwaku kOnandjokwe.

Ta ti shoka ohashi ya longitha nuudhigu nokumana po imaliwa nethimbo lyaanumvu okukapangwa kokule omanga kwali ye na okumona ekwatho puukilinika nenge piipangelo yopopepi.

Rwehumbila ta ti omikithi dhimwe omishona nayi ihadhi pumbwa ndohotola, noopela dhoka a li e na okupewa poshipangelo shopopepi odho adhike taka pewa koshipangelo shaNandjokwe.

Oshipangelo shaNandjokwe oshi na ashike oombete dhaanumvu dhili 520. Aanumvu oyendji oya lala pevi momikala dhoosala, oshoka kape na oombete omanga yali ye na oku kala ya pewa oombete kiipangelo yili popepi.

Okwa kumagidha aakwashigwana ta ti, naya uveko kutya uuhaku mboka wuli pukilinika owo ngaa wuli kiipangelo iinene. Naya ninge haya tegelele okutuminwa kiipangelo iinene uuna ya zi kookilinika nenge koshipangelo shili popepi.

Ndohotola tati oyena uupyakadhi wetungo ndoka inalipwa okutungwa, omolwa omatompelo ka kwali ta vulu oku ga popya pethimbo ndjoka. Ta ti ashike ngele etungo ndjoka tali tungwa olya pu otali ka kwathela okugandja omahala ogendji. 

Oshipangelo shaNandjokwe oshi na aanilonga mwa kwatelwa aayopaleki yeli 700.
Selma gwaNandjokwe okwali atotopo oshipangelo shoka momvula 1913, sho a li e ya moNamibia mo1095 a zi koFinland. Okwa hulitha mo1939. 

Okwali alukwa Gwanandjokwe oshoka edhina lye okwali edhigu okutumbulwa kaaludhe.  Okwali a hokololwa onge ondohotola yi na ondjokonona onde nombwanawa omolwa uuwanawa a li a longela aaludhe.  Omukokoli Presidente gwoshilongo Sam Nuuyoma nomuPrima gwoshilongo Nangolo Mbumba nayo oyali yathika poshituthi ndoka.    


Staff Reporter
2019-12-13 08:54:01 3 months ago

Be the first to post a comment...

You might also like...