• November 17th, 2019
Login / Register

Oshitunda nohedhi… Oshituthi shomuthigululwakalo gwAanama



Lwoshikando oshitiyali mondjokonona, oshituthi shAanama shoNama Cultural Festival osha tamekele ohela mokapale kaWestdene moKeetmanshoop. 
Oshituthi shika shuule womasiku gane otashi ka kala kohi yothema ‘|Hao da ni’ shoka tashi ti ‘otatu ke ya pamwe’.
Moonkundathana niikundaneki mEtiyali, omupopiliko gokakomitiye taka longekidha oshiithanene shika, Antonio Stuurman okwa ti oyi ilongekidha okukala ye na oshituthi oshinene nosha dhenga mbanda nuumvo. 
Ta ti aantu okuzilila koombinga noombinga dhuuyuni oya tegelelwa ya ka holoke mpaka
“Otu uvite etumba sho tatu ka kala tu na aantu mokati ketu ya za koBotswana, South Africa, Germany naEngland noya nyakukwa oku ka kala pamwe natse,” ta ti ngaaka.
Oshituthi shika osha li sha pewa omayambeko komukwaniilwa gwelelo lyopamuthigululwakalo lyo|Hôa |Aran ||Aixa ||Aes Afrikaner muMaalitsa
Omalalakano goshiithanene shika oku eta uukumwe, ehumokomeho osho wo ekwatatathano ewananwa mokati kAanama, osho wo Aakhoisan ayehe. 
Otapu ka ningwa iinyangadhalwa ngaashi okundaanisa, oonkundathana, osho wo iikulya nomiti dhAanama dhopamuthigululwakalo otadhi ka landithwa.
Stuurman ta ti uutala awuhe 60 owu na nale ooyene. Oshituthi otashi ka egululwa pambelewa mEtitano, moka mwa tegelelwa aakwaniilwa yAanama ya yooloka ya ka popithe peegululo.
(NAMPA)


Staff Reporter
2019-05-31 11:42:43 5 months ago

Be the first to post a comment...

You might also like...