• March 28th, 2020
Login / Register

Osikola ya pewa omagano ashike natango onkene tuu tayi nana nuudhigu


Victoria Kaapanda

ONGWEDIVA - Omukuluntusikola gwoPanduleni Primary School, Andreas Nengushu okwa ti oye li mompumbwe ya amushanga, omwoopaleki oshowo omukuluntu gwoshikondo shiilongwa, ndhoka okwe dhi popi esiku ya li ya patula omagano gawo ya pewa  kEhangano lyoNoordburg Seafood Processor.

Osikola ndjoka yi li oomita mbali oku a mOkalongo, moshitopolwa shaMusati oyi na aalongwa ye li 213 oku za mondondo yotango sigo ontimugoyi, aalongi oye li omugoyi mwa kwatelwa omukuluntusikola.

“Osikola yetu otayi longo nuudhigu, katu na ombelewa yaalongi, katu na ongulumambo ,eshina lyokuninga oombapila ookopi, oshowo ehala lyokuza lyaalongi,”  Nengushu ta ti ngaaka. Nonando osikola ndjoka oyi li mompumbwe onene, oya konekwa dhingi meyilongo oshowo miinyangadhalwa oyindji moshitopolwa shawo. Nengushu okwa ti mbyoka ya kolota posikola yawo inayi nkundipaleka nando eyilongo posikola yawo, ta ti ngeno okwa li ngaa ye na omakwatho omahwepo ngeno kape na osikola tayi yi komeho gosikola Panduleni.
Omukuluntusikola okwa li wo a tothamo kutya oya pumbwa uundjugo wopashinanena oshowo oprograma yokugandja etete posikola ndjoka nuumvo  inayi thika po nando.

Omunashipundi gwehangano lyoNoordburg Seafood Processor Usko Shivute okwa ti okwa li ya mono ompumbwe yosikola Panduleni yi li muyo, sho ya li ya gandja iimaliwa N$50  000 opo ya lande  shoka ya pumbwa.

Osikola okwa li ya tungu ehala lyokudhana niidhanitho yuunona wu li moshikunino, endoloma lyomeya, iikutu yomawudhano oshowo okompiyuta dhoposhitaafula dhi li mbali.
Omuluntusikola okwa Ii wo a yelitha kutya natango oye li mompumbwe yomambo oshowo iilongithomwa yosikola yaanona nonande ohaya mono ekwatho eshona kepangelo oshowo kaavali.


Staff Reporter
2020-03-17 08:51:55 11 days ago

Be the first to post a comment...