• November 16th, 2019
Login / Register

Osikola ya pewa oosamende 300 kungoloneya



WINDHOEK - Ngoloneya gwoshitopolwa shaTjozondjupa Otto Ipinge okwa hwahwameke aakalimo yomoshitopolwa shoka opo ya kuthe osikola  yedhina Ludwig -Ndinda Primary  moluhepo lwomulalo.

Ehwahwamekohungi ndyoka olya li lya ningwa ehuliloshiwike lya zi ko moka Ipinge a gandja ooshako 300 dhoosamende kosikola ndjoka opo dhi wape okutunga omuhandjo gwaanasikola.

Ipinge sho a gandja oosamende ndhika okwa popi kutya  ehwahwamekohungi ndyoka olya li lya  nuninwa okugongela oshimaliwa shokutunga omuhandjo gwokulala aanasikola  oshoka kaye na omulalo gu li pondondo yi li hwepo.
 Osikola ndjika oyi li oshinano shookilometa dhili 30 kondje yondoolopa yaTjiwarongo noyi li moshikandjohogololo shOkakarara moshitopolwa omo tuu moka.

 Ohungi oyo tuu ndjoka  esiku ndyoka oya gongela oshimaliwa koomuma shi vilithe N$90 000 mbyoka woo nayo tayi ka longithwa mokutunga osikola ndjoka.

Ludwig –Ndinda oya totwa  momumvo 1982 nangashingeyi oyi na aanona 380 mboka ye li momuhandjo yo woo oyo ya tameka osikola mpoka nuumvo.

“Edhilaadhilo ndika olya ziilila mombelewa yandje oshoka otwa mona ompumbwe yolukalwa lwaanasikola omanga ye li mosikola ndjoka, na  kasha li oshiwanawa kungame nda tala aanona mboka taya lala miipeleki ,” osho Ipinge a hokolola ngaaka.

Okwa ti kutya ngashingeyi iipeleki mbyoka tayi lalwa kaanasikola otayi ka pingenwa po nekuma  ndyoka tali ka kalela ngaashi naanaa sha hololwa moHarambee Prosperity Plan.


Loide Jason
2019-02-22 11:03:58 8 months ago

Be the first to post a comment...

You might also like...