• May 22nd, 2019
Login / Register

Otamanzi ya talelwa po koluteni



Otamanzi - Oshikandjohogololo shaTamanzi oshi li sha taalelwa konkalakateni molwa omuloka ngoka itagu ulike omundilo omwaanawa nando otu li nale pehulilo lyaFebuluali.

Pethimbo Kundana a li moonkundathana nakamusela gwoshitopolwa shoka Johannes Iiyambo , okwa li a holola kutya oshikandjohogololo she inashi mona nando omata okuza tu sho sha li sha mono uuta uushona petameko lya Desemba omumvo twa zi.

“Sho tandi popi ngeyi ota ndizi molweendo nda li nda ka talela po iitopolwa yokuti kwaTamanzi ashike onkalo ka yi li nawa na oya nika iipa yombwa,” Johannes tati.

Okwati onkalo moka muna oshitopolwa she niitopolwa yopuushiinda ita yi nuwa omeya na ngele shiyenga ina yi ponokako omasiku ngaka nena oshitopolwa she osha taalela uupyakadhi wanakiidhi kaalweenya.

“Omithima adhihe moshikandjohogololo odha kukuta na ngashiingeyi iimuna ota yi nu owala koopomba, yamwe yomanafalama momapya ina ya endamo, omanga mboka ya li ya kuna iikunomwa yawo oyili ya lemba oshoka omutenya ogwa nwina ko omeya, iimuna oyindji ngashiingeyi oyataalela uupyakadhi wuvule oonkondo dhawo oshoka nuunapelo ota wu kanda omapunya,” Iiyambo tatsikileko.

Okwa iitopolwa yomomakuti oyi li unene ya dhengwa ya lila oshoka oshitopolwa shaTamanzi kashina oomboola molwa onkalo yomeya omalululu ndjoka ya kambakana oshitopolwa she etithwa kekango lyomongwa onkene aanahambo oyendji ota ya tapatekwa kenota.

Nando omukulu gwonale okwa tile edhina lyayo otayiya oonkulupela dhomoshitopolwa shaTamanzi shonuumvo ita ye shi popile omutumba, Kamusela otati sho a li a ningi oonkundathana naakokele oyendji moshitopolwa she oya li ya holola kutya shonuumvo shivalelwe yeshimone shomvula ta yi kala ina yi loka muFebuluali.

Kepulo kutya oshitopolwa she oshi ilongekidhila ngiini onkalakatenya Kamusela Iiyambo okwa li a holola kutya oye li ya ninga oonkambadhala opo ya fale ootenga dhomeya kiitopolwa mbyoka kayina oopomba omalongekidho ngoka a ti ogo ku kwathela owala aantu, na kageshi giimuna, ogwo ku kwathela owala aantu monkalo ndjika yanika onkala katenya.

Iiyambo ota ti uupyakadhi wumwe wa taalela oshikandjohogololo she owo omalandithilo ngoka ta gashongola , tati nonando aaniimuna oya li ya ningi oonkambadhala oku landitha po iimuna yawo omwaalu gwaalandi ota gwu shongola moshitopolwa.
“Otwa li twa ningi oonkambadhala oku ninga oofanditha moshitopolwa ashike nonando ongawo aanafaalama oya li ya shuna niimuna yawo ina yi landwa po naashika woo ta shi limbilike oshoka aanafaalama oya hala oku shonopeka omwaalu gwiimuna yawo opo sho uulumbu ta wuya nena oyena owala okamwaalu hoka ta ya vulu oku palutha ,” kamusela tati.

Okwati olwindji nando oluteini lwakala no kudhenga oshitopolwa oha pukala ngaa iitopolwa yilwe mbyoka ha yi kala ya mona omata , hoka oko nee ha ku ka hupila iimuna manga aantu ya tega omuloka , ashike shonuumvo dhingi. 


Shipi Elago
2019-03-01 12:49:36 2 months ago

Be the first to post a comment...

You might also like...