• November 16th, 2019
Login / Register

Ovakalelipo vovanailonga moNAFAU va pewa omadeulo



Lüderitz – Ovakalelipo vovanailonga meenhele doilonga momahangano a yooloka koshi yehangano lovanailonga loNamibian Food and Allied Workers Union (NAFAU) moshi ayi sha Lüderitz ova upikwa eshi va pewa omadeulopukululo oule womafiku e li avali, okuhovela 26 – 27 march 2019.

Ovakalelipo  vovanailonga va konda po 30 ova deulwa nokupewa omapukululo ngaashi okupewa  ondjokonona yehangano lovanailonga NAFAU, okupewa ouyelele kombinga yoveta yovanailonga (Labour Act No:11 yomo 2007, nokupewa omauyelele a nghene ve na okuungaunga nomikundu dovanailonga, meenhele doilonga, nomilandu odo ve na okulandula, ngeenge ta kufa ombinga momitumba dokukundafana omauwa ovanailonga, ngaashi omawedelo eendjabi nosho tuu. 

Ova fatululilwa yoo nokupewa ounongo kombinga yoinakuwanifwa yavo, onga ve li ovakalelipo vovanailonga vakwao, nonghandangala oyo ve na okudana pokati kovanailonga vakwao  novayandji voilonga.

Omukwatakanifi wehongo mehangano lovanailonga NAFAU  moshilongo Lister Tawana oye a yandja omadeulo, opamwe nomuunganeki woNAFAU moshitayi shaLüderitz Moses Ruben, oshoyo Johannes Shayuka.

Ovakalelipo vovanailonga ovo va kufa ombinga momadeulo ova dja momahangano a yooloka ngaashi, Marco Fishing, Southern Hake, Seaflower, Novanam, Protea Hotel, Five Roses Aquaculture , HBL Investment, Ok groceries noLüderitz Spar.
Ruben okwa tumbula kutya, ehangano loNAFAU oli na omafaneko ngee pa monika oshimaliwa ku ka ningwe omadeulo a faafana, taa ka ningilwa koRosh Pinaah, omo ovakalelipo vovanailongaa vakwao meenhele doilonga mo Aus, Rosh Pinah nOranjemund, tava ka deulwa nokupewa omadeulo a faafana.


Tuulikki Abraham
2019-03-29 12:48:02 7 months ago

Be the first to post a comment...

You might also like...