• November 22nd, 2019
Login / Register

Ovakwaita moZimbabwe inava pitikwa va hombolafane



Etanga lopaukwaita moZimbabwe, hano Zimbabwe Defence Forces (ZDF) ola kelela nolaxulifa po eehombo mokati kovakwaita novanambelelwa metanga leamaeno moshilongo omo –engabeko eli ola kwatela mo naavo ve li nale meehombo novakwaita vakwao.

ZDF oya kwatela mo nomatanga eedila dopaukwaita. 
Omatanga aeshe taa komandwa kuGeneral Philip Valerio Sibanda.
Momukanda tau tambulafanwa meni leembelewa doZDF oo tau ulike wa nyolwa mefiku 18 Januali 2019, otau ti etokolo eli ola ya moilonga okudja mefiku 01 Febuluali neudo. Sibanda ta ti okwa tokolwa opo ku teywe eehombo nokwiindikwa oihole pokati kovakwaita opo ku tulwe po “elandulafano liwa, nomikalo diwa” metanga leameno ngaashi shi li meeveta dopaukwaita.  
Oveta ei shaashi oya kwatela mo keshe umwe, ovo va hombolafana navo ova teelelwa ve liufe kuyo.  
“Ovo va hangwa va hombolafana nale omanga ovete inai ya moilonga mefiku 1 Febuluali otava pewa eemwedi hamano opo va ninge osho shi li mondjila noku liufa keeveta. Ngee ova dopa oku shi ninga otava ka katukilwa onghatu,” omukanda osho wa ti ngaho. 


New Era Reporter
2019-02-15 14:56:33 9 months ago

Be the first to post a comment...