• November 19th, 2019
Login / Register

Ovanyakuli ovaNamibia otava lili Hiveluah 



WINDHOEK-Oshimhungu shokunyakula shaNamibia osha dengwa odibo eshi umwe womovawiliki novakwatelikomesho voinyandwa Oshosheni Hiveluah a xulifa.

Otaku hokololwa Hiveluah a xulifila moWindhoek okupendukila onghela konima youyehame. 
Pefimbo Kundana a ya komanyanyangido, kapa li naanaa ouyelele wa wana u na sha nefyo laye. 
Ashike ovanhu vomoshimhungu longa shaye ova ulika omaliudo avo kombinga yefyo la‘Osho’ ngaashi naana a li a shiivika nawa.

 Okomisi i lile po okudana oinyandwa moshilongo yoNamibia Film Commission kepandja layo lokoFacebook oya nyola kutya oya halukifwa kefyo laHiveluah. 

“Osho, ngaashi kwa li hatu mu ifana, okwa li omuningi woinyandwa e na ohokwe noilonga yaye. Okwa li e na elitulemo, nehalo okuxumifa komesho oshimhungu shokuninga eefilima, noshinakuwanifwa eshi okwe shi longa fiyo okomafiku aye a xuuninwa eshi a li umwe womovayoololi vovanyandi koNamibian Theatre and Film Awards.

“Omahekeleko etu ohatu a yukifa kovakwanedimo laOshosheni nookaume eshi tu li moluhodi omolwa efyo laye.” 

Omushikingalo a shiivika nawa Jackson Wahengo ye okwa shanga kepandja laye koTwitter ta ti: “Osho-sheni waya kaume kange, wa ti eshi oshetu natu kale nasho. Mekango eli ohatu di mo twa loloka, tu kwetwe kenota lamatutu. Natu hange wa tula omeva pomudile.” 

Omushangi nomuningi woinyandwa Oshoveli Shipoh ye okwa nyoka kepandja laye lokoFacebook: “Itandi dulu okuholola eudonai lange ongula ei yonena. Otwa kanifa omutoti woinyandwa kamana. Tulumukwa mombili Osho.”


Staff Reporter
2019-10-11 08:40:16 1 months ago

Be the first to post a comment...

You might also like...