• July 8th, 2020
Login / Register

Oyendji otaya lu molwa uukolwe – Amundjindi


ONANKE-Kansela gwoshikandjohogololo shUukwiyu Uushona moshitopolwa shaShana, Andreas Amundjindi, okwa hokolola kutya okwa limbililwa konkalo yelongitho nayi lyiikolitha moshikandjohogololo she unene maagundjuka shoka hashi hulile unene momalugodhi.

Okwa holola kutya omu na aantu oyendji ya imonitha iiponga moshikandjohololo shoka ashike iiponga mbyoka oya holoka unene polukanda lwedhina Ombili, momukunda gwedhina Epandulo. Okwa ti kutya kehe ethimbo oha pendulwa uusiku ta lombwelwa kutya oku na aantu ya monithathana iiponga sho ya li taya kondjo.

Amundjindi okwa ti kutya shimwe shoomiiponga mbyoka unene ye mu halutha onga omuleli gwopashigwana ooshoka moka mwa li mu na aalumentu yaali taya kondjo, gumwe e ta yi kegumbo a ka tale ekatana.
“Mokugaluka ashike kegumbo, okushuna kuundingosho omulumentu ngoka a li a ka tala ekatana ndyoka okwa nkapa nalyo omukwashigwana kee na ondjo ngoka a li ti iyendele u uka kegumbo,” osho a hokolola ngaaka a limbililwa.

Amundjindi okwa li a hokolola nonkumwe kutya okwa haluka sho omulumentu ngoka a li a nkapa okooko hoka a uvu kutya itaku ka longa we, omuntu ngoka a nkapa mukwawo okwa li e li kohi yodhungo.
Okwa hokolola woo kutya oshiningwanima oshitiyali ooshoka sha li sha ningwa  woo moshiwike osho tuu moka sho aalumentu yaali ya li taya kondjo puundingosho opo tuu mpoka ye gumwe ta tsuwa nombele ee ta lemana.

“Oshi li tashi kumitha kutya aantu mbaka otaya nwine pamwe ashike konima yethimbo otaya ka kondjithathana ishewe molwomalovu ngoka,” osho a tsikile ko ngaaka. Okwa ti kutya ota pandula opolisi yaNamibia ndjoka ya manga po ayehe mboka ya li ya monitha ooyakwawo iiponga molwomalovu.
“Otandi indile aakalimo moshikandjohogololo shandje ya iyuthe kompango yokulanditha iikolitha, opo yi yande ayihe mbyoka ya holoka mokati kuusiku nomomilema,” Amundjindi a hokolola.

Okwa ti kutya ndika ethimbo lyoopala okulonga nuudhiginini momapya oshoka okwa monika omuloka gu li nawa ashike ngashingeyi aantu otaya monithatha iiponga molwomalovu.


Loide Jason
2020-03-05 07:29:44 4 months ago

Be the first to post a comment...