• June 5th, 2020
Login / Register

Pastoli momhangu molwa ekwatonghonga lomona


ONGWEDIVA-Omhangulilo yaMangestalata mOkahandja oya pa pastoli omunamido (55) opo e lifutile modolongo shi na sha nekawatonghonga lomonakadona weedula 30.

Kakele koshibofa shekwatonghonga, pastoli ou ota pangulilwa yo oshibofa shokuya moixulo nomukwanedimo laye. 
Pastoli vati okwa tameka okulongela omona oilonga yomilaulu mo 2006 omanga kakadona ou ali ashike e na omido 17. Ina yanakulongelwa oushada oo a li omukulukadi wapastoli okwa xulifa, na pastoli vati okwa tameka okulonga oilonga ya tya ngaho konima ashike eshi ina yokaana a xulifa.

Eshi a holoka momhangulilo oshivike eshi, oshikando oshitivali, omufita ou ita dulu okutumbulwa kedina omolwa eameno lomonakadona okwa pewa opo e lifutile mo noshimaliwa shi fike poN$5000. 

Otaku hokololwa ovashivikile vokavadona aka va tameka okulimbililwa eshi va tameka okufekela kutya oke likufa edimo ile ka ekelashi okaana lwoshikando oshitihamano. Mokupulapula okakadona vati opo nee ke va lombwela kutya oka li ke na edimo laxe oo a kala noku ya nako moixulo keenghono hanga oule womido 13 ye vali okwa kala he ka fininike opo ka ke likufe omadimo.

Eshi osha twala nee fiyo oponghatu opo oshibofa sha lopotwa kopolifi nomufekelwa okwa mangwa po. 
Paeveta doshilongo, okuya moixulo noshilyo shofamili osho mwa pambafana pahonde –kutya nee opaudafano, ile kashi li paudafano –osha talika ko onga oshikoya noha shi pangulwa paveta. 

Eedula dimwe dapita po Reverend Veikko Nambala Shiimi wokuElim pamwe nomonakadona ova li va monika ondjo molwa oku ya moixulo. 

Omona kadona oo a li e na eedula 36 pefimbo loshibofa okwa li e na ohanana ve i dala naxe oo a li e na omido 70. Oikulumanene yaava vavali oya li ye uya pouyelele eshi va li va hangikilila kuina yomukainhu ou oye yoo omukulukadi wapastoli. 

Odula ya dja ko omulumenhu omunamido 29, e li omukwaita metanga leameno naye okwa li a patululilwa oshibofa shekwatonghonga noshokunangala nomona eshi a pa omonakadona weedula 18 edimo noku mu kondjifa opo e li kufe mo. 
Otaku hokololwa omulumenhu ou a dala okakadona aka manga ashike a li e na omido 11, a dala nomukainhu oo a li e na omido 26 pefimbo olo. 

Omulumenhu ou vati okwa tamekele oku ya moixulo nokamona omanga ka li ashike ke na omido 14. 


Staff Reporter
2019-05-24 11:04:33 1 years ago

Be the first to post a comment...

You might also like...