• June 2nd, 2020
Login / Register

PDM ta keme oondjindikila dhoCovid -19 dha tulwa po kepangelo 


Victoria Kaapanda

ONGWEDIVA-Ongundu yompilameno Popular Democratic Movement (PDM) oyi li ompinge nepato lyoongeshefa dhomomapandaanda  moka aakwashigwana oyendji haya mono uuhupilo .

Omunashipundi gwoPDM moshitopolwa shaShana Jafet Kleopas okwa ti nonando taya tsukumwe nepangelo kutya oongeshefa dhimwe na dhipate manga mokulwitha omukithi ngoka gwoCovid-19, oshowo okugu kelela , opena ngaa natango omatokolo gamwe itaaya tsu kumwe nago.

“Ka tu wete shili mondjila oku patitha uutala wiiyimati oshowo uukefe wiikulya yopokathimbo momapandaanda uule womasiku 21 mboka ta wu landitha iinima ya fathana ngaashi yomositola oonene dhoka dhapatuluka pethimbo ndika. “ Kleopas tati ngaaka. Tati ongundu yawo oyi uvite kutya etompelo oku keelela engundumano lyaantu oyendji pomatala  gokulanditha, nomatala oga pata kapena ekwathelo lya sha lyepangelo. 

Kleopas  okwa popi natango ta ti opena oongeshefa dhimwe dhina oku kala tadhi landitha sigo opaife ngaashi oositola,  ooshoka aantu oyendji omo haya hupile. 
Omunashipundi gwoPDM okwati epangelo nali ye po nomatokolo nkene aalandithi yena okukonditha noku keelela omukithi ngoka oshowo oompango nomalandulathano yena okula ndula opo ya tsikile okulanditha oongeshefa dhawo.

Ngoka okwa gwedhapo ta ti epangelo nali tume aakwaita oshowo aapolisi momatala moka okutakamitha aalandithi uuna taya taagaluka oompango  omalandulathano  noshowo ethimbo lyokupata ehala, opo aantu ya mone ompito yokulanditha  yo ya monesha sho kulya.  

Ongundu oya ti kayi uvite natango nawa sho kwali ya mono okapitithoVideo  ke li komalungula kaapolisi taya uundulile aakwashigwana membamba lyopolisi moka muna aantu ye vule pu yane, ta pula kutya shono osho ne okupitithathana poomahala  pokati komuntu nomuntu?

Kleopas natango  okwa ti epangelo nali tale po nawa mpoka etali kutha omatokolo ge li mondjila.  Okwa li wo a ku magidha aapolisi yalonge neitulemo opo kehe ngoka ta landitha omalovu megumbo eshi hulithepo, oshoka ngele natango aakwashigwana otaya landitha konima yomakuma kashina sho tashi kwathele omanga oshilongo tashi kondjitha okukeelela omukithi gwoCovid-19.

“Ongundu yetu oyi li pamwe nepangelo moonkatu adhihe dhatokolwa okukeelela omukithi nguka, ashike aalandithi yopomatala oshowo yomomapaandanda nali tale po nawa, oshoka aantu mboka omohaya hupile,” Kleopas a popi ngaaka.


Staff Reporter
2020-04-01 10:08:40 2 months ago

Be the first to post a comment...