• October 15th, 2019
Login / Register

Rickie Rap a popi kombinga yoongalo dhe



WINDHOEK-Rickie Rap, omwiimbi nomushangingalo ngoka a tseyika nawa okuza mEenhana okwa popi kombinga yondjila ye ndjoka a enda ngele tashi ya moongalo, naashoka ta ka pititha omasiku gokomeho. 

Rickie Rap ngoka e li opo a pititha uuvidio we uyali woongalo ngaashi Today n Tomorrow, osho wo We’ll Be Alright omasiku hamale ga piti okwa ti nonando okwa li a tameke okwiimba manga e na oomvula 10, sigo opaife oku li ta kondjitha okwiimba oongalo ndhoka tadhi tungu, noku li ta pula komeho. 

Omwiimbi nguka a li apititha oalbuma ye yotango yedhina King of Titanic mo2017 okwa ti oyendji inaya mona ompito oku yi pulakena oshoka kaya li ya tseyithwa nokutaandelithwa nawa.

Moalbuma muka omo moka tamu adhika ongalo ndjoka yedhina Coming Home, ta kwathelwa kuYoung T, ya li ya taambiwa ko koyendji, noya kala noku popiwa koyendji, unene tuu monooli yoshilongo onga ongalo tayi nyuwitha omakutsi.  
Kakele kuComing Home, moalbuma ye omwa li ishewe tamu adhika oongalo ngaashi Far Away, Today n Tomorrow and We`ll Be. 

Oongalo ndhika okwa li dha kwatelwa kostudio yoMamba moNooli.  Rickie Rap okwa li  a tameke okushanga nokukwatitha omaimbilo ge manga a li omushona lela, e li ashike mondondo 11.

Mo2015 okwa li a pititha oongalo dhimwe pamwe naKing Mex, mwa kwatelwa ndjoka yedhina Take Care.
Mo2016 Rickie Rap okwa li a tsakanene naMamba, ngoka a li e mupe ompito ombwaanawa yokutseyitha oshitalenti she. Pamwe naMamba, okwa li a pititha ongalo “Survival Of The Fittest” ongalo ndjoka natango kwa li tayi uvitha nawa aapulakeni.

Omvula ndjika Rickie Rap okwa tokola oku ka ninga oongalo tadhi tungu, nokutaandelitha oongalo dhe koshigwana ashihe koonono.


Pinehas Nakaziko
2019-04-26 12:15:00 5 months ago

Be the first to post a comment...

You might also like...