• November 16th, 2019
Login / Register

Scholtz a indila oikondo i longele kumwe



Lüderitz – Kansela woshikandjohoololwa sha!Nami#nus Jan Scholtz okwa indila oikondo aishe yepangengalo naayo yopaumwene moshikandjohoololwa shaye I longele kumwe, nelalakano opo oshikandjohoololwa shi dule okuyambuka po nokuhuma komesho.

Scholtz okwa tumbula edi mOmaandaha oshivike eshi, momutumba oo a li a unganeka, wa li pombelewa yoshikandjohoololwa omo avakalelipo voikondo ya yooloka  va li va ongala, mwa kwa telwa namayoola wodoolopa yaLüderitz Hilaria Mukapuli.

Momutumba omo tuu omo Scholtz okwa pandula eshi oikondo ya yooloka oyo ya kala nokulongela kumwe odula ya ya, eshi ovanaikondo va yooloka va kala va yeulula omivelo davo, nokuyandja omakwafo opo sha pumbiwa.  Omuleli woshikandjohoololwa okwa tumbula kutya elongelokumwe, olo ola pumbwa okunghonopekwa odula ei  2019.

Moshipopiwa shaye okwa fatulula omalalakano oshoongalele, kutya olo okunghonopeka, omakwatafano moikondo yomoshikandjohoololwa shaye. Scholtz okwa tumbula kutya epangelo ola tula po omilandu odo di na okulongifwa unene tuu moikondo yepangelo, nokwa indila ovanailonga moikondo omo tuu omo ve litulemo nokuyandja omayakulo ongushu kovakalimo vomoshikandjohoololwa oshoyo kwaaveshe ovo tava talele po oshikandjohoololwa eshi.

Okwa kunghilila ovanailonga va kale yoo noku andja neka omauyelele, moshiwana oo taa pumbiwa. Okwa tumbula kutya, ovanailonga ngeenge ova landula omilandu odo da tulwa po da nghene ovanhu ve na okulonga moikondo yepangelo, paku wanifapo oinakuwanifwa yavo yefiku keshe, otashi dulu okupupaleka oilonga, novanailonga ottava kala ve udite ombili moku wanifapo oinakuwanifwa oyo tava longo.

Okwa indila ovanailonga va longe nelitulemo, nokufimaneka efimbo loilonga olo la tulwa po, okuhovela oilonga potundi 08h00 yongula nokudimbuka potundi 17h00 komatango.

Kansela okwa udaneka ta ka talela po oikondo aishe yepangelo moshikandjohoololwa shaye , okulitalelako yeemwene koilonga nghene tai longwa, nelalakano opo a mone opo tapa pumbwa eyambidido okudilila kombelewa yaye.
Mayola wodoolopa naye yoo okwa li a mona omhito yokutya sha. Okwa denga omufindo mokunghonopeka elongelokumwe, pokati kombelewa yaye, nombelewa yoshikandjohoolololwa, shaashi aveshe ove na elalakano limwe alike, oku eta ehumokomesho moshikandohoololwa oshoyo modoolopa yaLüderitz,

Mukapuli naye okwa kunghilila ovanailonga ve litule mo moilonga, va kale nokuwanifa po eevili doilonga. Okwa tumbula kutya, ombelewa yaye oya yeuluka, okuyandja ekwafo opo tashi pumbiwa.
Ovakufimbinga momutumba ou ova pandula unene keunganeko lomutumba wa tya ngaha, oo wa ningwa pefimbo liwa, omanga ovanhu ve li pehovelo lomudo, novakufimbinga ova indila omutumba woludi eli ukale hauningwa omafimbo nomafimbo.
 


Tuulikki Abraham
2019-02-01 11:26:05 9 months ago

Be the first to post a comment...

You might also like...