• October 22nd, 2020
Login / Register

Seedorf a tidhwa kuCameroon



Omudhani omukulu gwaNetherlands Clarence Seedorf okwa tsuwa olukaku onga omudheuli gwaCameroon konima sho ya li ya ndopa oku ifola ekopi lyiigwana yaAfrica.
Omudhani nguka omukulu gwoReal Madrid, 43, okwa kala koshipundi shika ethimbo inaali adha pomvula. Omupeha gwe Patrick Kluivert, ngoka a dhana wo pamwe naye koAjax Amsterdam nokoNetherlands naye wo okwa thiga po iilonga ye. Cameroon okwa li a dhengwa 3-2 kuNigeria medhingoloko lyoosipana 16 moEgypt, shoka sha li sha eta nokuli ominista yomaudhano moshilongo shoka yi pule Seedorf a thige po iilonga.
Seedorf okwa ti okwa li a hala okutsikila. Omudhani nguka omukulu gwoReal Madrid noAC Milan okwa Shaina okontalaka yoomvula ine muAguste gwo 2018.
Seedorf naKluivert oya li ya pewa oshinakugwanithwa shoku ifola ekopi lyiigwana yaAfrica- osho wo oku ya kekopi lyuuyuni koQatar mo2022.
-BBC


Staff Reporter
2019-07-19 12:50:07 1 years ago

Be the first to post a comment...