• March 23rd, 2019
Login / Register

Simmy e shi dhenge komutse



Omuhikingalo Simmy okwa li e shi dhenge komutse nuumvo sho a pititha oongalo mbali dholudhi lwohouse, Ubala osho wo Sonini moka a kwathelwa kuSun-EL.


Sun-EL okwa dhana onkandangala onene monkalamwenyo yaSimmy yokuhika oongalo, moka a li e mu shaina a kale kehangano lye lyoongalo lyedhina EL World Music. Manga ya li inaaya longela kumwe okwa li a kutha ombinga momathigathano goongalo goIdols SA osho woSA’s Got Talent, moka a li ineeshi enditha nawa.


Mbaka yaali oya li ya tsakane tango  sho Simmy, edhina lye lyoshili Simpiwe Nhlangulela, a li ti  ilongo koUnivesiti yaKwazulu Natal. 


“Otwa li twa tsakanene nale mo2013 okupitila mumumwayinamati. Okwa li a pula ndje ndi mu imbile nokwa li a pula kutya oshike itaatu longele pamwe. Ashike ethimbo ndyoka onda li nda hala okumana eilongo lyandje manga. Sho nda mono onzapo yandje onda yi koJohannesburg.” Ta ti ngaaka.


Omwedhi gwa za ko Simmy okwa li a pititha oalbuma ye yotango, Tugela Fairy. Okwa li a mono nokuli koApple Music onga gumwe gwomaahikingalo aape. Aahikingalo yamwe yomoshilongo ya li ya mono etumbaleko ndyoka omwa kwatelwa Shekhinah, Shane Eagle, Sketchy Bongo, Amanda Black naBabes Wodumo.


“Kashi shi oshinima nda li nde shi tegelela. Okutumbalekwa ngaaka otashi kumitha, ashike onda nyakukwa. 
“Oalbuma oya taambwa ko nawa. Onda li nda dhimbulula kutya omu na okangalo kakehe omuntu moalbuma,” ta ti ngaaka. “Aantu otaya hogolola mboka ye hole, okuza kumboka ye hole oongalo tadhi ende kashona naamboka ye hole okundaanisa.”
SOWETAN


Staff Reporter
2018-12-21 09:12:15 3 months ago

Be the first to post a comment...