• December 18th, 2018
Login / Register

Slammer a galukile moongalo konima yoomvula omulongo



WINDHOEK-Omwiimbi gwoongalo dhoHip Hop, a tseyika nawa nedhina Slammer osho a galukile mehangano lyoongalo konima yoomvula omulongo. 

Egaluko lyaSlammer okwa li e li ningile pehala lyokunwa nokulya lyoTornados oshiwike sha yi moshilando, mpoka a li a ithana aatolinkundana okuza kiikundaneki ya yoolokathana opo e ya nothele ko kutya okwa kala peni, noshike she mu galulile moongalo konima yuule wethimbo ele. 

Slammer ngoka a li a halutha oyendji pethimbo a li a holoka pamwe nomugameni gwe, okwa popi ta ti ye ina etha natango oku imba, noshitalenti she shokwiimba otashi tsikile noshi li mombinzi. 

Slammer ina galuka ashike noongalo oompe, oye a ningi omuhikingalo omutiyali moshilongo okupititha embo lyondjokonona ye, moka a li a ulike ondjila ye ayihe a enda okuza kevalo sigo omongashingeyi. Embondjokonona  lye okwa li lya ulikwa uusiku mboka, pamwe netseyitho lyoalbuma ye ompe yedhina When I make It. 

Slammer okwa ti egaluko lye olyi li epe lela, noongalo ndhoka ta ningi kadhi shi ndhoka kwa li ha ningi nale oomvula 10 dha ka pita. “Mehangano lyoongalo omuhikingalo oku na okukala a eta po omulyo gwoongalo omupe, opo a ulike elunduluko lye, nankene a hedha komeho,” Slammer ta ti ngaaka. 

Okwa tseyitha ishewe kutya ye ota ka landitha oalbuma ye e vule aahikingalo ooyakwawo, oshoka oongalo dhe odha ningwa nethimbo, nonuukeka. Ka kele kwaashoka, Slammer okwa li a ulike uuvido we une, mboka wali ishewe wa ulikwa ongulohi ndjoka. 

Uuvidio ngaashi Run the Whole Town, Broken Home, Another love song, owo wa li wa ulikwa, okutumbulapo ashike wumwepo. 

Slammer ngoka a ti okwa ningi ethimbo ta lesha ehangano lyoongalo nokutala nkene e na oku shi pondola okwa ti ye ota ka kutha ishewe ombinga methigathano lyoongalo lyaahikingalo dhingi Aanamibia, moka a ti ye ota ka sindana omakopi ogendji, oshoka oongalo dhe odhi li pamuthika gwopombanda.

Kakele kwaashoka, Slammer okwa li a kunkilile opo aaholi yoongalo ye moshilongo yatameke okusimaneka oongalo dhoHip hop, naahikingalo yomoshilongo ya kale yi ihole. 


Pinehas Nakaziko
2018-12-07 12:40:24 11 days ago

Be the first to post a comment...