• December 11th, 2019
Login / Register

SYNERGOS a unganeka oshigongiilonga shaatolinkundana 


WINDHOEK- Ehangano lyedhina SYNERGOS olya unganeke oshigongiilonga shaatoolinkunda shedhina Interactive Media Workshop.

Oshigongiilonga shika osha tegelelwa oku ka kala ko nena esiku alihe  moka aatoolinkundana ya tegelelwa okugandja omayele gawo noshowo omanenedhilaadhilo gawo ngele tashi ya kiitungithi yolutu.
 Iitungithikulya oyo enkondopaleko lyehumithikomeho lyolutu, kasha shi ashike mokukala wu na uundjolowele wolutu wa kola nenge okukalamwenyo okuwanawa  ihe oshi li pandondo yoopala oku opaleka okukalamwenyo komuntu.

Onkene okuza momumvo 2009, Synergos Namibia okwa kala nokuyambidhidha oNamibia Alliance for Improved Nutrition (NAFIN), na okwa li ha kutha ombinga noonkondo  moNutrition and Food Security Alliance of Namibia (NAFSAN) ndjoka yi li ombinga yo Scaling Up Nutrition (SUN) Movement.

Momulombo ngoka gwa tumwa pamwe nehiyo lyaatoolinkundana ogwa totha mo kutya ngashingeyi NAFSAN oku li oshilyo sho Alliance shoka shi na iilyo yomahangano gaashi gopapangelo, osho guulongelwe noshowo iilyo yombelewa nomahangano gwopaumwene nota ka kala woo oshilyo shepangelo shoka tashi kala tashi talulula iitungithilutu mepangelo, shoka shi li ngashiingeyi oshitopolwa oshipe mepangelo lyaNamibia  oku eta omalunduluko  miikulya ya gwana noyagamenwa.

Onkene omulombo ogwa hokolola kutya ngashingeyi shi ikololela kwaashoka sha tumbulwa pombanda aatoolinkundana oye li taya dhana onkandangala moshiningwanima shoka onkene oye wete shuuka noshi li mondjila okukala ya ningilwa oshigongiilonga shika opo ya kale ye na uunongo wa pyokoka nowa hwahwamekwa mokukundaneka oshigwana.


Loide Jason
2019-11-12 07:43:28 29 days ago

Be the first to post a comment...