• November 14th, 2019
Login / Register

Taya gongele oshimaliwa ya paluthe uunona wu li moluhepo pethimbo lyokili



Victoria Kaapanda

ONGWEDIVA –Ongundu yaanyasha tayi ithanwa Youth Market oyi li metifa okulongekidha omawuliko giipindi ngoka taga ka kala gotango, ga thanekwa oku ka ningwa omasiku ge li gaali okuza momasiku 29-30 Novemba nuumvo, pehala ndyoka  lya landula ositola tayi ithanwa Meatma mOneshila mOshakati.

Elalakano lyomawuliko giipindi mbika okuhwahwameka aanyasha ya vule okukutha onkatu noshowo okukutha ombinga opo wo ya ete po iilandithomwa yawo yene, oshowo okushuwa okwiilongela yoyene.
Enenedhiladhilo ndika olya li lya etwa po komukiintu omugundjuka Maria Nduuvundi David, nelalakano natango lyokupa aanyasha aakwawo omukumo oshowo ompito yoku ulika iipindi yawo mehala limwe ndyoka tali ka kala aatalelipo oyendji ya za koombinga noombinga.

Omawuliko giipindi ngoka otaga ka kala haga ningwa omvula kehe. David ta ti oshimaliwa shoka tashi ka gongelwa momawuliiko giipindi ngoka otashi  ka longekidha Okilisimesa yuunona wuuthigwa naanuulema oshowo mboka wu li moluhepo, shoka a li e shi tameke omvula  ya zi ko.

“Ohashi kala oshiwanawa noshipu kaakalimo yopopepi oku eta omawuliko giipindi mokati koshigwana oshoka oyendji ohaya kwatwa kuunye okuthika komahala goomondolopa ngaashi hoka haku ningilwa shito omawuliko giipinidi,” David ta ti ngaaka.

Ta gwedha po ta ti okwa dhilaadhila oku eta omawuliko giipindi ngoka pokati komalukanda ngaashi Oneshila, Okandjengedi, Evululuko oshowo Omahenene ta ti aniwa opo a konde omagulu aakalimo yomomalukanda ngoka, opo ya vule okuthika.

Oyendji otaya ka mona ompito okulanda noku mona oyindji ya kala ye yi hala ihe kaye yi wete moositoola dhopopepi nayo.

Omunangeshefa omunene gwomonooli Erastus Chicco Shapumba okwa li a gandja ehala ndika oshali shamuhongi oku ingilwa omawuliko giipindi. Aanangeshefa ayehe mboka taya vulu oku iyamba naashoka ye na po oya manguluka okuthika.

Okatala kiikulya niikunwa otaka ka kala ke na N$1 200, kiikutu N$800  nokatala kiinima ka yilwe yi ili otaka kala ke na N$1000, ngoka e na ehalo okukutha ombinga na dhenge konomola 081 6088 330.


Staff Reporter
2019-09-27 10:06:47 1 months ago

Be the first to post a comment...

You might also like...