• December 18th, 2018
Login / Register

Top Cheri a popi kombinga yoalbuma ye



WINDHOEK-Monica Pinias ngoka a tseyika nawa nedhina Top Cheri osho a tseyitha noku ulika oalbuma ye yotango yedhina Fertile, nokwa li a popi kombinga yayo, nankene e shi pondola oku yi holola po. 

Oalbuma ndjika okwa li ya tseyithwa komunkulofuta gwaWalvis Bay, moka Top Cheri kwa tseyithwa a li a nana engathithi lyaaholi yoongalo omathele ogendji, mboka ya li ya nyanyukwa pamwe molwa etseyitho ndika. 

Top Cheri ngoka ishewe e li omushangimambo, nokakadhona hoka ke li ke na ewi lyoshingoli oka popi taka ti okuholoka po noalbuma unene kaahikingalo mboka aashona kasha shi nande oshinima oshipu, naashika otashi ulike uunongo neitulemo lyaahikingalo moku eta po iilonga yawo.

Oalbuma oya lukwa edhina Fertile. Top Cheri okwa ti edhina Fertile otali popi kombinga yokupondola sha, noku eta po oshinima shoka omuntu a longa nuudhiginini.

Oalbuma ndjika oyi li ya ningwa omikwelengendjo kuMr Andrew, M-Jay, Glo noHouse Guru Gang mboka ye li ya kala noku mu kwathelwa. 

Moalbuma ndjika yi na omaimbilo ga adha 14, omu na ngoka taga inyenge nawa, noga kala nokulilithwa mpaka naampeyaka. 

Otamu adhika eimbilo lye lyotango lyedhina Victoria, moka ta kwathelwa kuDion. 
Eimbilo ekwawo ongaashi Danisa, ndyoka kwa li lyi na okavidio okawanawa. Omaimbilo omakwawo ongaashi Hangover ndyoka a imba pamwe naahikingalo yamwepo yokongundu ye yoku imba ngaashi King Elegant osho woo Athawise.
Moalbuma muka Top Cheri okuli ishewe a imba pamwe naahikingalo ngaashi Adora osho wooTate Buti, okutula mo omulyo gwoongalo gwa opala.

Ngashiingeyi Top Cheri oku li a ipyakidhila noku ulika nokutseyitha omaimbilo ge moshilongo ashihe, noku li ta tsikile nokuthaneka uuvidio owundji. 

Etseyitho lyoalbuma ye okwa li lya ningilwa moChez Ntemba moWalvis Bay, moka aahikingalo ngaashi ML, PDK, DJ Roxy naDJ Houvas ya li ye shi pondola oku imba pamwe naye. 

Aahikingalo yokongundu ye yoBlvcBoxx ngaashi Princelou Faragama, Tesh, Athawise naKing Elegant nayo oya li ye shi pondola oku ulika uunongo wawo. 


Pinehas Nakaziko
2018-12-07 12:38:09 11 days ago

Be the first to post a comment...