• November 19th, 2019
Login / Register

Tsandi a mono etungo lyoomiliona N$15


Victoria Kaapanda

ONGWEDIVA- Ominista yomayambulepo goondoolopa niitopolwa yokuushayi Peya Mushelenga okwa patulula Ombelewa yElelo lyOmomukunda, embo-thaneko lyomimvo ntano oshowo omauliko giipindi pambelewa, Etine lyo shiwike sha zi ko.

Mushelenga okwa ti etungo lyElelo lyOmomukunda ndjoka li na iitopolwa yomayakula agehe olya li lya kotha oomiliona N$15. 

Ta ti olyali lyatungilwa aakwashigwana oku ya pa ompito okumona omayakulo agehe gepangengelo.
“Otashi nyanyudha noku uvitha ombili kutya methimbo efupi omahala geli gane, oga thanekwa no geli metifa okulongekidhwa, nonande gaali otaga ka longekidhwa kohi yetsokumwo lyEpangelo opamwe nomahangano  gopawumwene,”Mushelenga ati ngaaka.

Musheelenga okwali a kumagidha aaleli yomoshitopolwa shaTsandi ta ti, omahala ga yooloka ngoka taga longekidhwa mondoolopa, naga lukilwe omapendafule ga za moshitopolwa shoka, onga endhindhiliko lyesimaneko.

Okwali a dhidhilike kutya Otsandi kayi na omahala gaatalelipo ga gwana goku hilwa pokathimbo. Shono hashi thiminike aawuliki yiipindi yaka ze koondoolopa dhopushinda. Okwali a ndile wo aanangeshefa ya ete po elunduluko.

Minista okwali a fatulula ta ti elalakano lyomawuliko giipindi gaTsandi olyo oku gongela oshimaliwa moshitopolwa oshowo okupa ompito aashingithi aashona oku ulika iilandithomwa yayo oshowo okushiwika nokutseyathana.

Ta gwedha po ta ti itashi ka kumitha unene, ngele aashingithi ina ya shingitha shi vulithe pushoka ya inekela oshoka aakalimo oyendji yomoshitopolwa moka ihaya longo yo kaye na iiyemo ya kola. Kansela goshitopolwa shaTsandi Junias Amunkete okwali a lombwele Kundana ta ti embo-thaneko ndjoka lya patululwa olyo ondjila yomimvo ntano, yi na oondungethaneke dhoka dhi na okulandulwa nokutulwa miilonga.

Amunkete ta ti nonande embo ndjoka li na nale omathaneko ngoka ge li mo, natango o li na oku gwedhwa kaakalimo yomomukunda nomanene-dhiladhilo gawo ngoka ye wete ge li mondjila nota ga humitha omukunda gwawo komeho.

“Oshikando shika oshitiyali omauliko giipindi taga holoka moTsandi, ashike omashingithilo otaga ende lela nawa. Onda ninga omapekapeko okuza esiku lyotango sigo onena ashike aashingithi otaya ulike taya longo lela nawa”Amunkete ta ti ngaaka.

Selma Nankuya ngoka ta landitha iikulya yopamuthigululwakalo okwa ti omauliko giipindi otaga ende nawa lela, ta ti sigo onena ina ya nande nomutima kegumbo gwalindimana, ka kale shila ondingolo ndjoka ha tula mo onge omapandulo sho a landitha nawa.

Nankuya ta ti Elelo lyOmukunda ina li hulitha po nando oshinima shika, oshoka ohashi ya pe oompito dho kumona omayakulo oshowo oku mona iinima oyindji ya kala ye yi pumbwa ihe ihaye yi mono moshitopolwa shawo.  
 


Staff Reporter
2019-11-04 08:09:41 15 days ago

Be the first to post a comment...

You might also like...