• December 18th, 2018
Login / Register

Uudhano wotango waanuulema ye li kuutemba mOshana inawu enda nawa


Oshakati - Ethigathano lyaanuulema ye li kuutemba lyotangotango monooli lya ningwa mOshakati Olyomakaya ga za ko olya li lya tsakanenkwa komashongo ogendji.

Uudhano mbuka owa li wa dhengwa ondhimbo konima sho iitopolwa oyindji moshilongo ya li ya tseyitha kominute dhahugunina kutya ita yi vulu we okukutha ombinga molwonkalo yoshimaliwa ndjoka ya yaga kegonga.

Nonando iitopolwa yilwe oya li ya ikutha mo muudhano mbuka momukokomoko gwoshiwike opwa li pe na oosipana ntano ndhoka dha li dha gandja eziminino kutya otadhi ka ya mela lyondjila okuya dhi kuthe ombinga, ohaluka owala oosipana ndhika nadho dhi ikutha mo methigathano ndika netompelo olya li ompumbwe yoshimaliwa.

Osipana yaKhomas yoWheel Ability noosipana ne dhokoZimbambwe nadho odha li wo dhi ikutha mo muudhano mbuka nokuthiga ashike okakala ta ka hilwa koonane mbali Oshana nOhangwena.

Eyikuthemo lyiitopolwa mbika inali imba uudhano wu ye komeho oshoka oosipana dhiitopolwa mbika iiyali kehe yimwe oya li ye etelela omulongelo gwoosipana mbali, A na B onkene oosipana ndhika odha li dha yi mondambo nokukondjithathana opo ku talike ngoka ta kutha po ekopi lyotango lyuudhano mbuka.

Oshitopolwa shaHangwena osha li sha gandja uupyu koosipana dhomOshana, ashike nando ongawo Oshana osha li sha lu sha tula ombunda moshihwa naashika osha ka eta oosipana dhaShana A na B opo dhi sindane po uudhano mbuka.
Ohangwena oya li ya toola po ehala etitatu netine nuudhano owa li wa zi pondje.

Nghishiwete Pedro ngoka e li Amushanga gwOshana Wheelchair Basketball okwa li a holola kutya , nonando oosipana odhindji ndhoka ya li ya tegelela dhi kuthe ombinga odha li dha ndopa oku shi ninga shi ka itashi ya teya omukumo okuya momvula tayi ya onkene oshigwana nashi tegelele ethigathano ndika lyaanuulema ye li kuutemba opo li ka galuke ishewe nomomumvo tu uka.

Okwa ti onkundana ombwaanawa kaayambidhidhi yuudhano mbuka oyo ndjoka kutya uudhano mbuka ngashiingeyi ot wu ka kala oshitopolwa shongongahangano yuudhano moNamibia ano Namibia Sport Comission.

Okwa li wo a holola omashongo galwe geyatalela ngaashi uutemba womawudhano, moka a yelitha kutha ha kehe okatemba ta ka vulu ok u dhana oBasketball, oshoka opuna uutemba walongwa owina walongelwa omawudhano.
Onkene ota indile aanamutimahenda opo ya kwathele osipana yashana naashoka yena po opo ya gwedhe ko komawaalu gwuutemba mboka yena ngashiingeyi.

Ta kombo kombunda ongongahangano yuudhano waanuulema sho ya li ye ya pe uutemba wu li 12 mboka wu li melongitho ngashingeyi.


Shipi Elago
2018-11-30 12:04:46 18 days ago

Be the first to post a comment...