• September 23rd, 2020
Login / Register

Uuministeli gwuuhaku wa pewa Oombulansa


Victoria Kaapanda

ONGWEDIVA –Ambasanda gwaAmerica Lisa Johnson okwa gandja oobesa dhaamvu, dha tseyika nawa onga oombulansa, oombete dhoshipangelo oshowo iilongitho niikeelelitho kuuministeli wuhwaku nonkalo nawa.

Shika ombelewa yuukalelipo gwoshilongo shaAmerica oye shi ningi oku yambidhidha epangelo lyaNamibia mokulwitha ombuto yoCovid-19. Uuministeli owa kwathelwa noobesa ndatu, oombete dhi li 25, oombete dhokukwathela aanuvu oku za poshiponga dhi li omugoyi oshowo iilongitho niikelelitho yomukithi ngoka
ya gwedhwa po. Inima ayihe mbyoka oyi na ongushu yivule poomilliona N$3.

“Ekwatho ndika olya zi ko programma tayi ithanwa “Defense’s humanitarian assistance” koshikando shAmerica. Omakwatho ngaaka oga gwandjwa okukwathelwa mpoka pe na oompumbwe okulwithwa omukithi gwoCovid-19 oshilongo ashihe,” Johnson ta ti ngaaka.

Omukuluntu gwoshikando shuuhaku nonkalo nawa Ben Nangombe okwa koleke kutya omakwatho agehe ga gandjwa kiipangelo mbyoka yi li lela mompumbwe.

Omukuluntu gwoombelewa dhaAmerica hadhi takamitha nokukelela omikithi moNambia (The U.S. Centres for Disease Control and Prevention), Eric Dziuban okwa ti oshikondo shawo otashi longele pamwe nepangelo lyaNamibia okulwitha omukithi ngoka. “Otwa ilongekidha okulwitha omukithi goCorod-19, nomakumagidho tatu gandja moshigwana okutya ashike, aakwashigwana naya iyoge koonyala ethimbo alihe, yo naya
ikaleke kokule nomahala haga gongala aantu oyendji,” Dziuban ta popi ngaaka.


Staff Reporter
2020-03-23 10:56:03 5 months ago

Be the first to post a comment...