• September 26th, 2020
Login / Register

Uunona tawu pi komulilo kaa wu shiwike


Okanona komvula yimwe noomwedhi omugoyi oka fumbikwa Etiyali lya zi ko, omanga okamwayinakadhona komimvo ne keli moshipangelo kapya noonkondo, ashike kaku shiwike kutya owa pi koshike. 

Oshiningwanima shika oshikumithi otashi inyenge momukunda Onamutai moshitopolwa shaNgwediva. 
Yina yuunona mbuka Sylvia Kaluwapa (26) ngoka keena iilonga ota indile moshigwana ngoka tavulu oku galikanena okanona ke opo e mu kwathele. Ota pula woo omayambidhidho gokulanda omiti dhokanona hoka a kalela moshipangelo, oshoka omiti dhimwe kadhi mo moshipangelo.
Kaluwapa ta ti kwali a yambekwa nuunona wuli utatu. Uunona we uya li, wahugunina owuna he gumwe, omanga kosheeli ke na he iilile.
Ta ti uunona mboka ushoona owo wakala wuli muupyakadhi.

Moku dhimbulukwa nkene sha tameka, Kaluwapa ota ti, okanona ke kokankelo hoka kahulitha oshiwike sha zi ko, okwa tameke okupya manga kala kena oomwedhi ne lwaampoka.
“Oshinima shoka osha tameke mo2019, ethimbo ndyoka okanona kandje okali kena oomwedhi ine. Okwali ethimbo lyuusiku sho nda uvu okanona kandje taka lili noonkondo. Sho ndeka minikile onda mono kutya oka shatwa pomeho nokali taka zi ombizi mpoka pwa shwatwa. Sho nde ka tala nawa, onda mono ishewe kutya oka kululwa momutse ombinga yimwe yokolulyo nokambi. Ihe omafufu ina tu mona moka guuka sigo onena,” Kaluwapa ta ti ngaaka.  Ta ti, shoka okwa li shemu tilitha. 

Ta hokolola ta ti, konima ashike yomwedhi gumwe okanona hoka kokankelo okapenduka kapya ombunda ayihe.
Ta ti, okwali yakwatelwa koshipangelo, hoka ka kwatelwa moombete, moka kali kala ethimbo ele. Okwali a zi ko, koshipangelo a ka vululukwe po kegumbo omanga yina a ka kalela okanona koshipangelo.
“Esiku limwe nda lala mondunda yatate, okwali nda lala ondjodhi tandi pile mondunda. Onda papudhuka mo, ta ndi hokololele tate ondjodhi yandje.  Okwali nda piti pondje ndi ka nwe omeya, ashike sho ndayi pondje onda mono omulilo gwayaka kondunda yandje moka he lala shito,” Kaluwapa ta hokolola.
Ta popi ta ti, natango kapwali omadhidhiliko gasha ngoka taga ulike kutya omulilo ogwa zi peni. 
Opwa piti owala omasiku omashona, ondunda yahe nayo otayi pi. Ta ti mondunda moka mwali muna iimaliwa (N$5000) yali mokambo ihe inayi adhikamo, ko okambo hoka inakapya komulilo.

Okanona sho ka zi ko koshipangelo oka ningi oomwedhi ne lwaampoka, ko natango otaka tameke okupya. Omukiintu nguka ihaalongo sha okwa ti okwa kala nee ta kondjo nokanona ke hoka kokankelo –ta mane ko iipangelo noongeleka ashike omundilo okupya hoka okwa kala owala taku yi komeho. 
“Okanona ohaka tameke owala taka lili, sho toka tala okwa pya. Osho wala ka kala ngaaka sigo otaka hulitha,” ta ti ngaaka.
“Konima sho twa fumbike okanona kandje konkelo mEtiyali lyoshiwike sha zi ko, ohaluka omutenya gwEtitano, ontowele yandje oya tameke tayi lili, tayi ti oya lika. Sho nda twa tala kombunda ye hoka a li ta ti okwa lika –ombunda ayihe oya li ya tuta –yapya. Otwe mu fala koshipangelo meendelelo. Ngaashingeyi otuli moshipangelo monkalo kaayili nawa, okupywa okuuka owala komeho,” Kaluwapa a popi ngaaka.
Yamwe yomaashiinda oya hokololele Kundana kutya oshinima shika osha tameke sho omukiintu gumwe omukwashigwana gwaAngola ngoka nuwa kwali ha longele puushiinda a ningi po gwahe yaanona yaKaluwapa.

Omukiintu ngoka anuwa okwa kala noku tumina Kaluwapa ooSms tadhi tilitha, nomuyimwe yomu dho okwa anuwa ti Kaluwapa aanona mboka a vala nomulumentu ngoka ite wu tumu. 
Kundana sho ali a pula Kaluwapa, okwa koleke oshinima shika, ta ti omukiintu ngoka okwali kahewe ke kopothingo. 
“Sho nda fala okanona kandje kokankelo kaka zalwekwa oshinyenye oye twa yi naye. Onda ka za po pegumbo ndaka kala kegumbo lyomumwameme-mati. Sho nda ka galuka onda adha a ninga po gwa he yuunona wandje. Ehuliloshiwike ndika twe ya koshipangelo, anuwa okwa ya kaandja he yuunona wandje a fala epunda lyokanona kawo kotango,” ta hokolola.
“Otandi dhimbulukwa kwali nda tuninwa okatumwalaka kukuume kandje kwali gopothingo, ngoka paife aningi nyamunkwetu, kutya uunona wandje itandi wutumu. Konima yetumwalaka ndyoka ayihe mbyoka oya li yatameke okuholoka,” ta hokolola.


Victoria Kaapanda
2020-09-09 10:43:17 17 days ago

Be the first to post a comment...