• May 26th, 2020
Login / Register

Uuyelele wa za kOpolisi yaNamibia - Shoka wa pumbwa opo u kale noshifufuta


Okatendo ke na sha noondjembo niikuti (Arms and Ammunition Act, 1996 (Act 7 of 1996), oke na sha nokukaleka po elandulathano lyiikwandjembo moNamibia. Otaka gandja ompito opo aantu ya kale ye na uuthemba wokuninga endilo lyokumona uuthemba wokukala noondjembo, nokuwilika etonatelo lyokukala niikwandjembo. Otaka gandja wo omulandu gwa pumbiwa okulandulwa meetemo nenge ekuthomo lyiikwandjembo moshilongo nomokuyihambula. Omilandu otadhi pula opo kehe ngoka a hala okukala e na oshikwandjembo a kale e na uuthemba. Iipumbiwa tayi landula oya simana noyi na oku i yuthwa kuyo: 

Mboka opo taya ningi omaindilo lwotango, osha simana opo ya gandje oondokumente tadhi landula: 
Okopi yokamutse koshilongo
Ofooloma yoPol 151 ya pwa oku udhithwa
Oshimaliwa shostambe shoN$100, shi na oku ya keindilo kehe Uumbangi wopolisi okuulika kutya ou na oseifa moka to pungula ondjembo  Uuthano wuu passport photo u li uyali 
Okambapila komalanditho ka za komulandithi
Etompelo lyayela kutya omolwashike wa pumbwa ondjembo
Oondjembo dha longa nale tadhi landithwa paumwene, iipumbiwa oyo mbika: Okopi yokamutse koshilongo
Ofooloma yoPol 151 ya pwa oku udhithwa
Oshimaliwa shostambe shoN$50, shi na oku ya keindilo kehe 
Uumbangi wopolisi oku ulika kutya ou na oseifa moka to pungula ondjembo  
Uuthano wuupassport photo uyali 
Omushangwa tagu zi kwaangoka e na ngashiingeyi uumwene wondjembo moka ta popi kutya okwa landitha po ondjembo ye kungandi, ye ta tula ko okopi yokamutse ke
Etompelo lya yela kutya omolwashike wa pumbwa ondjembo

Ngoka e na ondjembo e yi thigulula, ya li nale yi na mwene okwa pumba oku iyutha kiinima mbika:
Okopi yokamutse koshilongo
Ofooloma yoPol 151 ya pwa oku udhithwaOshimaliwa shostambe shoN$50, shi na oku ya keindilo kehe 
Uumbangi wopolisi okuulika kutya ou na oseifa moka to pungula ondjembo  
Uuthano wuupassport photo uyali
Okopi yokatse kanakusa
Okopi yolisinisa 
Okopi yonzapo yeso
Ombapila tayi zi komutopoli gwomaliko ganakusa nenge etestamenti lyahuguninwa lyanakusa 
Omushangwa tagu zi komuthigwapo gwanakusa nenge (kaakwanezimo yatatu mboka taya gandja oonomola dhuumutse wawo. Nenge 1. Okopi yokamutse 2. O(o)kopi dholisinisa 3. Oshinyolwa tashi zi kwaangoka a thigulula nenge oye mwene gwondjembo pethimbo mpoka  tashi ulike kutya okwa hala okugandja po ondjembo ye komuningi gweindilo

Okatendo kiikwandjembo (Arms and Ammunition Act 7 of 1996) oka kelela iinima ya kwatela mo mbika: Okukala nondjembo kaapu na uuthemba 
Omalanditho goondjembo moofanditha nenge elanditho palombwelo lya gandjwa komuniilonga gwepangelo, nenge komunambelewa gwompangulilo yopaveta, teshi ningi onga oshitopolwa shiiloga ye.
Elanditho lyiikwandjembo tali ningwa komuntu nenge komulandithi ngoka uuthemba we wa kalekwa nenge wa hulithwa po komuhambwidhi, osha hala kutya ina li yalulwa.
Elanditho tali ningwa pokati komuhambwidhi, nomulandithi ngoka a pewa uuthemba okulanditha komuhambwidhi ngoka. 
Kehe omuntu ta ka ya kondje yokatendo hoka otashi vulika a ka falwe kompangu. Elalakano lyoku imonena ondjembo nali kale lya yela no inali kala li vulike oonkondo koshinima shoku igamena mwene, egameno lyomaliko, eithano lyuukongo, nomatompelo omakwao galwe taga vulu oku uvika ko. Oondjembo inadhi pumbwa okulongithwa mokuyonagula oveta, mwa kwatelwa iikoya yomahepekathano guukashikekookantu, momunyeka kwa homatiwa, nomoku ehameka nenge okutilitha aantu. Ishewe oku imonena ondjembo yuukongo nenge ombistoli oku na okukala pamulandu gwOkatendo kIikwandjembo nOoholo komo 1996.


Staff Reporter
2020-03-20 12:32:23 2 months ago

Be the first to post a comment...