• September 27th, 2020
Login / Register

Valombola oku na owala ondjo yedhipago lyaashi lyoshiningilawina 'ompangu tayi ti'



WINDHOEK – Omunangeshefa a tseyika nawa moshitopolwa shaMusati, Maurus Valombola, 59, ngoka ta pangulilwa oshipotha shedhipago shaBenhard Kalimbo ngoka a li e na omvula 32 pethimbo lyeso lye, mEtiyali okwa li inaa monika ondjo moshipotha shedhipago, nokwa li a monika ondjo medhipago lyaa shi lyoshiningilawina komupanguli gwOmpangu Yopombanda yaShakati Herman January. Omupanguli okwa ti kapwa li uumbangi wa gwana tau ulike kutya Valombola okwa li e na elalakano lyokudhipaga Kalimbo sho e mu mbotso nehauto, ashike okwa li e na okukala a dhimbulula kutya shoka a ninga osha li tashi vulu okweetitha eso lyanakusa.

Valombolka okwa li a patana komeho gomupanguli January kutya okwa mbotsa Kalimbo nehauto lye pomukunda Okeeke moshitopolwa shaMusati momasiku sho ga li 6 Febuluali 2013 konima sho ya li ya nyenyeta kuyele esiku ndyoka. Shi ikwatelele koolopota dhokuyele dhaKundana, oontamanana pokati kaambaka yaali odha li dha tamekele pehala lyomangeshefelo lyaValombola pomukunda opo tuu mpoka nodha ka ya sigo omoluhwa.

Otaku hokololwa kutya Valombola okwa li a ehameke Kalimbo noonkondo noku mu thiga moluhwa moka a ka adhika kaayendanandjila. Kalimbo okwa li a hulitha esiku olyo tuu ndyoka moshipangelo shaShakati. Valombola okwa li a tulwa miipandeko  momasiku 9 Febuluali 2013 konima sho a li i igandja komiya dhaShinana nokwa li a kala mokakuma konima sho a li a ndopa okupewa ombooloha.

Valombola okwa tindi okwiitaala kutya oku na ondjo ethimbo alihe lyoshipotha shika, nokwa pataneke omapopyo gopolisi, omuniilonga gwe, osho wo oombangi, ta ti uumbangi mboka wa etwa kompangu owa li wi ikundwa manga inaau etwa kompangulilo. Ta ti uumbangi owa li wi ikundwa tango opo u tse kumwe opo ku kwashilipalekwe a monike ondjo osho wo okunyateka edhina lye.

Nonando i itaala kutya ofamili ye oya futa N$50 000 kofamili yaKalimbo molwomuyonena, okwa tindi nokutindilila kutya okwa puma nakusa, okwe mu dhenga nenge opo opo a li poshiningwanima shoshiponga shika
Valombola okwa li a kalelwa po kuPieter Greyling gwoGreyling & Associates manga epangelo lya li lya kalelwa po kuLicius Matota. Ota kala mokakuma noshipotha otashi ka tsikila momasiku 23 Apilili sho taku tamekwa etokolo lyegeelo.
 


Roland Routh
2019-03-29 12:55:20 1 years ago

Be the first to post a comment...

You might also like...