• September 24th, 2019
Login / Register

VAR ya tameka okulongithwa koAfcon… Kwa tegelelwa yi kuthe omasipa pokati koombwa



Sho uudhano wEkopi lyIigwana yAfrica wa adha edhingoloko lyoosipana hetatu okwa tamekwa okulongithwa okafano hoka haka longithwa mokuninga omatalululo gomatokolo gaahikihiya uuna pe na omalimbililo, okafano haka ka tseyika nawa nedhina Video Assistant Referee (VAR) otaka ka longithwa lwotango mondjokonona yuudhano mbuka, noshikando ashike oshitiyali muAfrica sho ka li ka longithwa kedhingoloko lyahugunina lyoCAF Champions League pokati koEsperance de Tunis yaTunisia noWyadad Casablanca yaMorocco. Ehangano lyokatanga kokoompadhi muAfrica, CAF, olya enda miipyu niitalala moomwedhi dha zi ko, sho uudhano mbuka wa li wu na okudhanwa moCameroon ashike opwa ka ningwa etokolo lyokomunute gwahugunina wu ye koEgypt.
Sho VAR tayi ende tayi longithwa momaudhano ogendji muuyuni, oCAF noVAR oya tsakanene lwotango shoSenegal ya dhana naBenin mEtitatu.
Kekopi lyuuyuni lyokatanga kokoompadhi uudhano pokati kaCameroon naEngland owa li wo wa vundakana sho aadhani yaCameroon ya li kaaye uvitile nawa etokolo lyoVAR -moka ya li ye wete omuhikihiya ta longitha oVAR pamambo, nayo wo oya li ya tindi okutameka osenda sho ya tulwa okoola. Nando shoka sha potokononwa, natango ope na opmapulo ogendji.
Osipana yoWaydad Casablanca yaMorocco oya li yi iteka mo mokapale mominute 59 molweetho olutiyali lwoCaf Champions league konima sho okoola yawo ya li inaayi yalulwa ndjoka ya li yi na oku eta eyalulo lyi ninge 2-2, nonando pwa li pe na oVAR, inayi longithwa mokuninga etokololo ndyoka. Oya kala taya kondjitha etokolo ndika konyala uule wowili netata, moka nokuli omupresidente gwoCAf Ahmad Ahmad a li e ya mokapale monkambadhala yokukutyha oamsipa pokati koombwa. 
Osha ka monika mo konima yethimbo kutya oVAR kaya li tayi longo, na kasha li sha yela ngele oosipana adhihe mbali odha li dha lombwelwa oshinima shika.
Esperance oya li ya pewa esindano- ashike konima yethimbo oya li ya pewa elombwelo yi shunithe ekopi noomendalia nuudhano wu ka dhanenwe pokapale kalwe ki ili kaa ke shi koosipana ndhoka. Etokolo ndika lyokwaapa Esperance esindano olyi li ompinge noompango dhaFIFA, notashi ka kala tashi kutya otashi9 ka potokononwa ngiini.
Uudhano mbuka wekopi lyiigwana yaAfrica sho tawu yi komeho, otatu kala twa ligamena koVAR yi potokonone omahilathano.


Staff Reporter
2019-07-12 12:01:46 2 months ago

Be the first to post a comment...