• November 30th, 2020
Login / Register

Ya hala omahogololo ga gwedhelwe nesiku limwe



Victoria Kaapanda 
 
Oyendji  miitopolwa yomonooli oye li ompinge nesiku limwe lyokuhogolola, oshoka oye uvite kutya oowili ndhoka inadhi gwana oshoka ohaya kala ye na iimpwiyu yilwe momukokomoko gwesiku.
Aakwashigwiana oya gandja omanyenyeto gawo molwa omahogololo gwokaansela yomiitopolwa nomomalelo goomondoolopa ngoka taga ka kalako momasiku 25 gaNovomba  nuumvo.
Shikale Negumbo moonkundathana naKundana okwa ti, oshihwepo esiku ndyoka alihe kaali longwe alihe, opo kehe gumwe a mone ompito yokuhogolola.
“Ohatu kala tu na ohokwe yokuhogolola, ashike haatuhe  iilonga yetu hayi tu pitike okuza mo miilonga, nethimbo ndyoka tatu zimbuka, oosenda dhomahogololo ohatu adha nale dha pata,” Negumbo ta ti ngaaka.
Niipanda Shikongo, omugundjuka gomOshakati okwa ti esiku limwe inali gwana okuhogolola.
“Esiku ndyoka ihali kala lya gwana, aantu ohaya kala oyendji, shoka hashi etitha omikweyo dhi ende kashona. Tse ohatu kala tu na iilonga yetu, twe yi thiga po twa hala shili okuhogololola, ihe ihaku ziwa mbala.” Shikongo ta ti ngaaka.
Okwa gwedha po ta ti, shoka otashi ya hololitha koomimvo dhokomeho, ya kale ihaya ka hogolola we, ngele itaya lundulula omilandu dhawo. Shikongo okwa li a lombwele Kundana ta ti, otashi kala oshihwepo ngele omasiku taga gwedhelwa ga ninge nando gaali, oshoka aantu oyendji oya patelwa kondje. 
“Oyendji ihaya mono ethimbo mesiku moka lyokuhogolola yo yamwe oya shuna komagumbo inaaya hogolola oshoka oya loloka okutegelela momukweyo,” Shikongo a popi ngaaka. Sam Newaka gwetanga lyopolisi yaNamibia, omvula ya ziko okwa li a kalele po omahagololo mOngwediva okwa ti, okwa li a ndhindhilike kutya  omukweyo ohagu ende kashona kaakulupe mboka kaye shi okulongitha okashina kokuhogolola nenge kayeshi okushanga. “Ihe nando ongaaka, naanyasha yamwe nayo, ohaya enditha omukweyo kashona, oshoka kaye shi nkene ye na okuhogolola,” Nekwaya a popi ngaaka. 
Nekwaya ta ti, oshigwana ngele tashi ka hogolola, nashi kale sha ilongekidha nawa, opo ashike omukweyo tagu endelele.
Gumwe ngoka inaa hala edhina lye lyi tumbulwe okwa ti, omasiku inaga pumbwa okugwedhelwa, aantu mboka ya nuninwa iilonga mbyoka yomahogololo, oyo naya longe iilonga yawo ya dhiginina.
“Naya kale ya longekidha ngoka ta ka hogolola opo kaaya kaalemo, opo ngu a landuleko a ye mo mbala kaa kale mo naye. Mbyoka oyo iilonga yawo,” a popi ngaaka.


Victoria Kaapanda
2020-11-12 16:01:59 17 days ago

Be the first to post a comment...

You might also like...