• October 29th, 2020
Login / Register

Ya mangwa noonkwandambi 46


Aamati ye li yatatu Aanamibia nomuZambia gumwe, oya mangwa noongombe 46, ndhoka kw ali taya ka landitha koZambia, oya mangwa po mEtitatu moshitopolwa shaZambezi.
Omupevikuluntu gwopolisi gwoshitolwa shoka Evans Simasiku okwa ti, oshiningwanima shoka osha holoka Osoondaha ya zi ko moshanga shomutenya, momudhingoloko gwaMutwalizi.

“Aalumentu mboka yatatu okwa li ya kwatwa kumwene gwoongombe ndhoka, sho e ya tsakaneke noongombe ndatu, ndhoka a li adhimbulula ethimbo kwa li a li molukongo lwadho momukunda Nsundwa,” Simasiku a popi ngaaka.
Ta hokolola ta ti aamati mboka okwa li ye na elalakano lyokugandja po oongombe ndhoka,  yo ya pewe oongombe dhoonani momukunda omo tuu moka, omanga oonkwawo dhi li  43 kwa li ye dhi thigi ye dhi holeka miihwa koMutwazili.
Simasiku ta ti, oongombe ndhoka okwa li dhi li metifa okufalwa koZambia dhi ka landithwe po.
Otaku hokololwa kutya aalumentu mboka ayehe oya mangwa po, nomakonaakono gopolisi oge li metifa.
Opolisi otayi indile oshigwana shi kale tashi lopota kopolisi iiningwanima ya fa mpoka, oshoka oshigwana ohashi kanitha iimuna yawo, momikalo dha tya ngaaka. 
 


Victoria Kaapanda
2020-10-09 10:54:17 20 days ago

Be the first to post a comment...

You might also like...