• May 24th, 2019
Login / Register

Ya mono omahala omape



Victoria Kaapanda 

OSHAKATI - Aakalimo yomolukanda Eemwandi mondoolopa yaShakati yokUuzilo osho ya pewa omahala gawo omape, ngoka ge li kOnawa kuumbangalantu wondoolopa Etiyali lyoshiwike shika.

Omunani gwondoolopa yaShakati Werner Iita okwa ti oya tengeneka okututa aakalimo mboka oku ya fala komahala gawo omape okuza oshiwike shika sigo ehelilo lyomwedhi nguka.

“kehe ngoka e na iitungitho ye ya kulupa ngaashi oopaala, iipeleki nosho tuu, ota ka kwathelwa kelelo lyondolopa okupewa yimwe iipe, oshoka otwa ndhindhilike kutya iitungitho yimwe oya hola na itayi vulu  okudhika egumbo limwe ishewe.” Iita ta ti ngaaka

Ta gwedha po ta ti omahala kOnawa gaamboka yaa na iiyemo iiyamba oge li 3 000 moka ya kutha omahala g eli 512 ga longwa noga longekidhwa okutulwa aakalimo yomolukanda Eemwandi nonando ye li 320 oyo ayeke taya ka ya komahala ngoka.

Iita ta ti ngele ya mana okututa mboka yokEemwandi otaya ka tsikila naakalimo yomolukanda lwaSky, ashike omwaalu gwaamboka taya ka tembudhwa kaye gu na natango.

“Omahala ngoka taga tembukilwa otwe ga longa nale ga pwa ngele tashi ya komeya, omalusheno oshowo uundjugo. Okulongekidha iinima ayihe mbika otwa tengeneka okukala twa longitha N$700 000”. Iita ta yelitha.
Elelo lyondoolopa olya gandja po ehala ndyoka tali tembukiwa kosikola yoshiputudhilo shopombanda shaShakati oshali shamuhongi, oku tulapo nando omihandjo dhaanasikola oshowo oongeshefa dhawo.
Matias Elago 41, okwa li a lombwele Kundana ta ti molukanda Eemwandi okwa kala mo omivo 20, ihe oya kala taya hupu shokadhila.

“Otu uvite nawa  noonkondo notwa pandula elelo lyondoolopa yaShakati sho lyetu totha mo nokundhindhilika kutya otwa li monkalo ondhigu, kakwa li tu na uundjugo, omeya omalusheno oshowo omahala getu tse yene”.  Elago ta ti ngaaka.
Nena otu na omahala getu omanene nawa ngoka twa pewa uuthemba kelelo lyondoolopa tu galongithe ngaashi twa hala , noga yela nawa.

Ngame ondi wete sha fa ondjodhi nokuli oshoka uuwanawa mboka tatu ningilwa ondi wete kutya otse yotango oku wu ningilwa mOshakati ashihe ,notatu iyithana onga otse aanelago nonando otawu ka thika komalukando gamwe natango mOshakati.


Staff Reporter
2019-05-10 10:59:16 14 days ago

Be the first to post a comment...

You might also like...