• August 7th, 2020
Login / Register

Yaali moshipotha ‘shoFishrot’ ya adhika nooselula mokalimosho



Oongodhi mbali dhopeke odha li dha adhika moondjedhilolo dhayaali yaamboka taya tamanekelwa oshipotha shoka sha tseyika nawa nedhina ‘Fishrot’. Omupopiliko gwOpolisi yaNamibia Deputy Commissioner Kauna Shikwambi okwa li a koleke oshiningwanima shika koshikundaneki shoNampa, ashike okwa li a ti omapulo naga ukithwe komukwatakanithi gomakonaakono giimbuluma moshitopolwa shaKhomas, Deputy Commissioner Abner Agas, ngoka wo a li a koleke oshiningwanima shika mEtiyali.
Mbaka yaali oya oya li ya kolekwa kutya oyo James Hatuikulipi naPius Mwatelulo. Oya li ya patululilwa oshipotha shokweeta mo iinima ya indikwa  mondholongo. Mbaka yaali oya li ya holoka (mefaulo) mompangu yaMangestalata yaKatutura mEtitatu.
Commissioner Sam Shaalulange gwoNamibia Correctional Service okwa li a lombwele oshikundaneki shoNampa mEtiyali kutya oya li ya hadha moondunda moka mu na ayehe yahamano moshipotha shika shoombumbo nagumwe okwa li a adhika e na ongodhi kolutu omanga yimwe ya adhika ya ekelwahi.
“Otatu fekele kutya moka oya umbilwa mo, ashike uuthano wetu owa mona kutya ngoka a li e na ongodhi ndjoka olye,” ta ti ngaaka.
Ta ti oya tameke okuhadha sho ya mono oakaunta yedhina Mike Nghipunya koTwitter yi li mewangandjo. Sho omakonaakono ga li ga ningwa, osha li sha monika mo kutya oakaounta ndjoka kayi shi yaMike Nghipunya shili, nguka omuntu ashike ta longitha  edhina nethano lye.
- Nampa


Staff Reporter
2020-04-09 11:46:45 3 months ago

Be the first to post a comment...

You might also like...