• June 2nd, 2020
Login / Register

Yaali ya mangwa po sho ya landitha omangandja pethimbo lyoCovid-19



ONGWEDIVA-Opolisi moshitoplwa shaShana oya manga po aakwashigwana yaali, mboka kwali ya a dhika taya landitha omalovu momagumbo gawo, konima yompango ya tulwa po komupresidente gwoshilongo Hage Geingob ngoka a tula po oondjindikila dhoka tadhi vulu oku kwathela mekeelelo lyombuto yoCovid-19, mwa kwatelwa ekaleko lyo ku landitha iikolitha pethimbo ndika.

Omupopiliko nomugandji gwomauyelele moshitopolwa shaShana Inspekta Thomas Aiyambo okwati omulumentu gwomimvo 31, okwa mangwa po potundi 19h30 yokomatango ongulohi yEtiyali molukanda  lwElyambala mOngwediva.

“Konima sho opolisi ya li ya lopotelwa kutya opena gumwe ta landitha omalovu megumbo omanga sha i ndikwa pethimbo ndika, oomiya dhashinana odha li dha ponokele egumbo lyomulumentu ngoka, nokwali a adhika ta landitha omalovu,” Aiyambo tati ngaaka. 

Moshinigwanima shafaathana omukiintu gomimvo 25 okwa li adhika ta landitha omalovu oku pendukila Omaandaha potundi 00h05 momukunda Omalala ngoka guli popipi nondoolopa yaNdangwa, na omukiintu ngoka okwa mangwa po.

Omupopiliko gwopolisi moshitopolwa shaMusati Warrant Anna Kunga okwa kumagidha opo aakwashigwana ya i yuthe koompango dha tulwa po omolwa uuwanawa waantu ayehe.

Warrant Kunga okwa popi tati,  natango oyendji moshitopoolwa shaMusati inaya uvako esimano lyokupata oongeshefa dhomalovu oshoka oya tsikila  okulanditha konima yomakuma.

“Otwa ninga esiku tatu tidha nokufatululila mboka taya landitha momagumbo gawo opo tuya uvithe ko , esimano lyepato noshowo nuupyakadhi taya vulu oku wiiyetela. 

Mboka taya landitha iikunwa yokoongoma yamwe oya tula oongoma momapya yedhi holeka miilya,”Kunga a popi ngaaka.

Okwa gwedha po tati, oya dhidhilike natango kutya aakwashigwana ka yena euveko lya gwana, oya pumbwa natango omalongo opo ya uvithweko esimano lyepato lyoongeshefa, yo ya iyuthe kudho.

Kunga okwa ti sigo onena inaya manga po nando ogumwe, ashike oshigwana nashi uveko, etashi hulitha po shoka taya ningi konima yomakuma.

– vkaapanda@nepc.com.na


Staff Reporter
2020-04-03 09:54:34 1 months ago

Be the first to post a comment...