• June 5th, 2020
Login / Register

Yatano yi ikutha omwenyo mehuliloshiwike


Victoria Kaapanda

ONGWEDIVA-Omulumentu gwomimvo 60 okwa li gumwe gwomaantu yatano mboka ya lopotwa yi ikutha oomwenyo mehulilo shiwike.

Omukokele ngoka a tongololwa onga David Shumwaafeni okwa si sho a iyaha nondjembo yomushasho momutse.

Omugandjimulombo oshowo omupopiliko gwopolisi moshitopolwa shaHangwena Abner Kaume Iitumba okwa ti oshiningwanima shoka osha li sha ningwa momasiku 20 gaJuli nuumvo, momukunda Eeshoke, moshitoplwa shaHangwena. Moshiningwanima sha pamba shoka, omulumentu gwomivo 34, Johannes Haufiku okwa li i imangeleke mondunda ye yokulala momukunda Oshifo Shapembe moshitopolwa shaHangwena. Natango momukunda Omafo mOhangwena omulumentu gwomivo 28, gwedhina Thomas Ndeshipanda Netumbe okwa li a imangeleke nondhalate momuti lwopotundi 07h00 yongula. Itumba ta ti omulumentu nguka ye mwene okwa zile kOkongo, natango moshitukulwa shaHangwena. Lwopokati mpoka, okwa kundanwa aalumentu yaali moshitukulwa shaOtjozondjupa nayo ya ikutha oomwenyo. Iiningwanima ayihe mbika iyali oya ningwa uusiku wOsoondaha mOsire nOutjo. Omupopiliko gwopolisi mOtjozondjupa Inspekta Maureen Mbeha okwa lombwele Nampa mOmaandaha kutya omunamimvo 35 Eugene Nepembe okwa li a adhika a endjelela momuti nondhalate yi li mothingo ye mofaalama yedhina Tsumis popepi nOtjo.

“Nakusa okwa li omuniilonga mofaalama moka naakwanezimo ye oya tseyithilwa nale,” ta ti ngaaka. Otaku popiwa kutya Nepembe okwa li kana po mEtitano, ashike aaniilonga pamwe naye inaya lopota oshinima shoka kopolisi. Oya li yi itsu omudhimba gwe lwopotundhi 19h00 mOsoondaha. Okwa kundanekwa wo natango omunamimvo 29 Haure Pauline Namvura a li anuwa i ikutha omwenyo sho i imangeleke mondunda ye yokulala lwopotundi 20h00 pofaalama Ouhave, ookilometa 15 muuzilo wokamba yoontauki pOsire. 
Miiningwanima ayihe mbika aapambele yoonakusa oya tseyithilwa nale, na kape na nando onakusa gumwe a thiga po okambapila taka popi kutya oshike she etitha a ikuthe oomwenyo.
Uuyelele wa gwadhwa po: Nampa


Staff Reporter
2019-07-24 11:12:42 10 months ago

Be the first to post a comment...

You might also like...