• June 2nd, 2020
Login / Register

Yeli 19 ya dhipagwa komulilo gwepeya


BEIJING-Ookadhimamulilo yeli 18 nomutonateli gwokuti gumwe oyasi eso li nyanyaleka omanga yali taya lwitha omundilo gwepeya mokuti kuumbugantuninginino waChina, osho sha lopotwa kepangelo lyoshilongo shoka metayali lyoshiwike shika.

Omakuthikuthi gwotiivi yomuzizimbe oga ulike kutya eyele lyomundilo olyuumbu okuza meeendundu lyuuka megulu pombanda yondoolopa yedhina Xichang moshilandopangelo shedhina Sichuan, ndyoka lya ningitha egulu etiligane.

 Okwa hokololwa kutya iikogo yolwithi oya holoka pombanda yomatungo noshowo yoondjila moshilandopangelo moka, shoka shina aantu yomwaalu gu thike paantu 700, 000.
Eyele lyomundilo ngoka olya Tameka popepi no Xichang  muumbugantuningino moondundu washiga koLiangshan lwopotundi 3:00 yongula oku pendukila Omaandaha, mboka wali tawu uulike watula oondoola negameno lyondoopa ndjoka moshiponga, shoka osho sha hokolola kepangelo lyomoshilando shoka ongula onene yetayali lyoshiwike shika.

 Onkee nduno ooindjina dhi vulithe pe140 dhomukudhima omundilo, omadhagadhaga geli gane,  noshowo ookadhimamulilo yeli 900 oyali ya tumwa ya kadhime omundilo ngoka aniwa.
Okwa hokololwa kaanambelewa yomoshilando moka kutya aanambelewa yosheendelela ye vulithe po2000 oyali ya kutha ombinga  mokudhima omundilo ngoka,  na aantu yevulithe 1200 yomoshitopolwa shoka oya li ya  lundululwa mo mehala ndyoka.

Ashike omadhagadhaga onkee ngaa gali taga kondjitha omundilo ngoka ongula yEtiyali ndyoka.
Okwa hokololwa kutya omapeya ogendji oga hwama mehala ndyoka omasiku ga ziko, shoka osha lopotwa koshikundaneki shedhina Xinhua.
Omuvula ya ziko muapril, ookadhima omundilo yeli 27 oyali ya dhipagwa mepeya ene lyomundilo gwali moMuli County momudhingoloko ogwo tuu ngoka .-Nampa


Staff Reporter
2020-04-01 10:04:15 2 months ago

Be the first to post a comment...