• November 13th, 2018
Login / Register

Young Chiefs a kuga onkugo... Onakuyiwa yokatanga kokoompadhi ya dhengwa ishewe odhimbo



Omanga oyendji ye li ya tala koshikumungu shoka tashi inyenge pokati kaMbidi naRukoro shoka shi li miikaha yaFIFA, oliha yopombanda moshilongo oyi li natango ya dhengwa ondhimbo onene sho osipana yoYoung Chiefs ya li ya shangele NPL omukanda tagu holola uulingilingi wa longithwa kosipana yoYoung African.

Omukandanyenyeto gwoYoung Chiefs otamu holoka uuyelele mboka tawu hokolola kutya osipana ndjika yokEpako oya li ya longitha omudhani ngoka a li a longitha uukwatya kawu shi we opo a wape okudhanena osipana ndjika omumvo gwokatanga gwa zi ko.

Mombaapila yegano ndyoka a ningila komeho gwopolisi noyi na oshihako sho 09/10/18 omukwashigwana gwaZimbabwe Tapiwa Simon Musekiwa okwa hokolola kutya omuntu ngoka e mu shangitha okwa li e mu lombwele opo a longithe omadhina ngaka Albert Mukundjindjira oshoka pethimbo mpoka ka li e na oombaapila dhuuthemba we nokwa li ashike e na opasporta yopawulumompumbwe.

Hafeni Shikulo omugandjimulombo moYoung Chiefs okwa li a holola kutya omudhani nguka okwa li a dhana naYoung Chiefs pethimbo lyomawudhano gawo gwoPremier Liaha omumvo gwokatanga gwa piti noku uvite kutya Young African okwa dhina oompango dhokatanga onkene na kale a thiga po okatanga moompadhi oontalala oshoka oku na oshityani.
Oku uvite nee kutya ngele Young African okwa pewa olukaku nena shika otashi kala omboloto yaYoung Chiefs oshoka oye e li hwepo momusholondodo gwoosipana ndhoka dha pewa olukaku.

“Omukandanyenyeto gwoYoung Chiefs otwe gu mona notwa shangela Young Chiefs ombaapila yeziminino kutya eeno oshikumungu shawo otashi pewa eshomonono noshi li nale momake goveta,”Tovey Hoabeb omunambelewa gwaNPL ta ti.
Ashike okwa ti oshikumungu shika itashi yi oliha moshipala ndjoka ya tengenekwa yi ga lukile mondambo ehuliloshiwike tali ya.

Nonando ongawo onzonkundana yi shi kwiinekelwa otayi holola kutya omupongololiveta gwoNPL Kadhila Amoomo oku li a indile NPL opo a kaleke Young African opamwe naTapiwa Simon Musekiwa kondje yokatanga omanga okwaako koveta taku longo iilonga yako.


Shipi Elago
2018-11-09 11:16:11 4 days ago

Be the first to post a comment...

You might also like...