Omukokolipresidente Sam Nujoma okwa li a tanga Amushangandjayi omukulu gwIigwanahangano (UN) Javier Perez de Cuellar, ngoka a li a si mepipi lyomimvo 100. Perez okwa li amushangandjayi omutitano gwIigwanahangano okuza muJanuali 1982 sigo Desemba 1991.
Omushangwa gwa za koSam Nujoma Foundation ogwa ti okwa li a dhana onkandangala mekondjelomanguluko lyaNamibia sho a li a toto ehangano lyIigwnahangano lyoUnited Nations Transition Assistance Group(UNTAG). UNTAG oya li ya tumwa moNamibia okuza muApiilili 1989 sigo Maalitsa 1990 yi kwashilipaleke kutya okatendo kIigwannahangono ko-435 oka tulwa miilonga. Nujoma ta ti ye omunelago sho a li a longo pamwe nomukuluntu omukulu gwoUN pethimbo a li preisidente gwoSwapo, osho wo gwaNamibia.
“Nakusa Javier Perez de Cuellar ota dhimbulukiwa komapipi gopaife naangoka tage ke ya moNamibia, Africa osho wo muuyuni awuhe, onga omupoptokononi kamana,” omushangwa tagu ti ngaaka. - Nampa