Omudhani gwoomuvi Omusouth Africa Terry Pheto ota toola omapapa a fa ta toola ooonyandi! Omunyandi nguka paife okwa yangata po ishewe ekopi lyaahogololwa momapapa goBritish Urban Film Festival Awards (BUFF).  
Ehogololo ndika olyi li kohi yOmunyandi kamana omolwa oshitopolwa shoka a dhana mofilima yedhina Faces.
Ofilima ndjoka ya li ya thanekelwa moLondon oya landula aantu yane mboka oonkalomwenyo dhawo dha tameke okwiitenda mo sho ya li ya mono iihuna nenge uuwanawa petameko.  
Faces ndjoka mongashingeyi oyi li yimwe yomoofilima ndhoka tadhi dhana onkandangala komahala gookino muuyuni nomoSouth African oya li ya ulikwa oshikando oshiti-39 koDurban International Film Festival omumvogali.  
 “Ohashi shambulitha omwenyo ngele to longo naanyandi mboka ye na oshitalendi ya za koombinga noombinga dhuuyuni. 
Omolwaasho elago ndika otandi li ndalapatele. Oshiwanawa ngiingi okuthiga edhina lyandje momahala ga yooloka muuyuni nde shi ningi pamwe naanyandi yoohashikeshalye?” 
Terry osho a ti momushangwa ngoka a ningi omanga egandjo lyomapapa inaa li tameka. 
Shika osho oshikando oshititatu mbaka taya tulwa momusholondondo gwaahogololwa koBUFF okuza sho okafilima ka tulwa mowela. 
Omulume gwaTerry gwomiinyandwa, Aki Omoshaybi ye okwa hogololwa kohi yomunyandi dhingi omulumenhtu omanga omukwatelikomeho ngoka e li omukwashigwana gwaBritin naNigerian, Joseph Adesunloye okwa hogololwa kohi yomweetipo gwokafilima dhingi.
Terry halo lwotango ta mono epapa lyopaigwana. Okwa li a mono ekopi lyomunyandi ta kwathele kegandjo lyomapapa koUK National Film Awards mo2017. 
Okwa li a dhana mofilima yedhina A United Kingdom. 
Omvula oyo tuu ndjoka, okwa li ishewe a pewa epapa lyomunyandi omukiintu dhingi molwa oshinyandwa moka a nyanda onga Winnie Madikizela-Mandela muuntoko-filima wedhina Madiba. 
-Sowetan