• December 11th, 2019
Login / Register

Aakulupe moshitopolwa shaMusati nomashina go-EVM okambishi nombwa



OKALONGO–  Nonando omahogololo ga li ga tameke pethimbo moshitopolwa shaMusati, oga li taga ende kashona noonkondo omolwa aakulupe mboka yaa shi okulongitha omashina gokuhogolola. Aahogololi oyendji, unene tuu aakokele oya li ya kwathelwa sho taya hogololola. Shika osha li sha kolekwa komukalelipo gwongundu yopolitika gwopoongamba dhaWa-Kasamane moshikandjohogololo shaKalongo. 
Omukalelipo gwongundu yimwe yopolitika Simeon Ndjebela okwa li a ti aahogololi oyendji oya li ya ninga mo ethimbo mokaketha komahogololo.

“Otashi vulika elongo lyaahogololo inaali kwatwa ko kwaayehe nenge aantu yamwe unene tuu aakulupe inaya mona elongo ndyoka,” Ndjebela ta ti ngaaka. Omukweyo tagu ende shohima ogwa li wo gwa konenenwa pEtunda moshitopolwa shaRuacana. Martin Shikongo ta ti omukweyo ogwa li tagu ende kashona noonkondo.

Mokati kiitasi mbyoka ya li ya talelwa po, aahogololi oya li ya popi kutya oya nyakukwa sho omahogololo ga tameka pethimbo, kakele pOnampira mpoka ya li ya tokelwa omolwa aakalelipo yoongundu ya li inaaya ganithilwa oshilonga shawo mbala.

POmagalanga moshikandjohogololo Oshikuku mboka ya li momukweyo omule oya li ya ti aantu yamwe oya li taya ntuka omukweyo, naashika osha li she ya geyitha oshoka yamwe oya li ya thiki mpaka potundi 06h00. Ngaashi naanaa haku ti omushiinda esipa lyothingo, aantu oyendji, unene tuu aakokele mboka yaa na iiyenditho oya li ya popi kutya oya etelelwa kookuume kawo.

Aantu ye li momukweyo ya tegelela okuhogolola moshitopolwa shaMusati. Ethano: Nuusita Ashipala


Nuusita Ashipala
2019-11-28 08:24:47 13 days ago

Be the first to post a comment...