• January 21st, 2019
Login / Register

Aantu omayovi ya kutha ombinga mesiku lyoku enda moEthiopia



Aantu omayovi oya li ya kutha ombinga mushoka tashi ithanwa esiku lyefaulo lyoohauto moEthipoia, noya li ye shi ningi mokweeenda nomokukutha ombinga momadhewo ga yooloka. Oondjila oonene odha li dha tsuwa omakumba sho ominista yuundjolowele Amir Aman a li a kwatele komeho olweendo kolupadhi moshilandopangelo, Addis Ababa. Shika osho oshikando shotango esiku lyokutya awoo koohauto moEthipia, nelalakano lyokukaleka po uundjolowele osho wo okushunitha pevi enigiliko lyewangandjo moopate ndhoka hadhi kala dhu udha dha fa ofenya ngele tashi ya kiitukutuku. Ootenda odha li wo dha dhikwa nokukala dhi na iikwa niipangitho okuninga uukonaakono kumboka ya li taya ende naamboka taya idheula.


Aakalimo yomiilando moEthipia halundji naaana ye li pankalo yokuninga omadhewo, oBBC osho ya li ya lopota okuza koAddis Ababa. Minista Amir ota kambadhala oku shi lundulula nesiku lyaa na oohauto otali ka kala hali kala ko kehe Osoondaha yahugunina yomwedhi kehe. Amir okwa li a ti oshinima  shika, shoka sha li sha ningwa miilando iheyali, osha li she ende kolutenda.


 “Tangi kukehe ngoka a li a kutha ombinga moshiithanene shika. Otatu adhima uuna tatu endeni pamwe mokutunga po Ethiopia li na uundjolowele,” ta ti ngaaka.


Staff Reporter
2018-12-14 15:23:08 1 months ago

Be the first to post a comment...