New Era Newspaper

New Era Epaper
Icon Collap
...
Home / COW otaka tungila ovanhu omaumbo kondado yopedu

COW otaka tungila ovanhu omaumbo kondado yopedu

2021-11-04  Festus Nakatana

COW otaka tungila ovanhu omaumbo kondado yopedu

Festus Hamalwa

Muni woshilando shaWindhoek okwa ninga oshuufanene omafiku aa opo ku kundafanwe nghee taka tungila ovakalimo moshilando ovo vena oyuuyemo yopedu omaumbo eli pashinana.

Motumba omwa kundafanwa oinima ya yooloka ngaashi okukelaka oshilando shayela, okukaleka po eameno lovanhu nokuyandja omayakulo koshiwana osho shili komalukanda inaa longekidwa. Edi oda popiwa komukulunhupitifi mombelewa yamuni woshilando shaWindhoek Harold Akwenya eshi a popya ta ti elelo lamuni otali lalakanena okuyandja omayakulo koshiwana ashishe shili moWindhoek.

Akwenye okwa ti ovakalimo otava ka tungilwa omaumbo e na ondado tai dulika kovanhu aveshe ve na oyuuyemo ili pedu opo va kale va mona omaumbo taa kalele.

Okwa ti momutumba omwa kundafanwa opo ovanhu aveshe ve na oyuuyemo ili pedu va kale navo tava dulu oku kala tava kufa omikuli dokulanda omaumbo avo.

“Elelo laWindhoek otali lalakanene opo ovanhu va kale ve na edu lashangifwa komadina avo, novanhu va kale ve na omaumbo eli pomudingonoko tau dulu okukala pe na ovanhu,”Akwenye ta ti.

Okwa ti elelo lamuni otali ka kwashipaleka kutya otali ka ninga oshikonga shokuleka po mudingonoko woshilando shaWindhoek shayela, omo ovakalimo tava ka kala tava pewa ehongo kombinga yefimano loukoshoki.

Akwenye okwa yelifa ta ti omaumbo 1200 otaa ka tungwa komalukanda a hamhano moule weedula mbali.

“Kolukanda Otjimuise ota ku kaningwa endiki lokukala tali di ovanhu pokafimbo manga omaumbo avo ta tungwa. Pefimbo ovanhu tava ka kala kendiki oko otava kakundafana yoo kombinga yomashongo va talela,”Akwenye ta ti.

Okwa ti kOtjomuise otaku ka tungwa yoo vali endiki lokukala tali kala ovanhu ngeenge va pilwa omaumbo avo ile ngeenge pe na oshiponga sha holoka po ngaashi efundja.

Akwenye okwa ti elelo laWindhoek otali ka hoolola ovawiliki tava di komalukanda opo va kale tava kwatele komesho opolagalama yokutungila ovanhu omaumbo. Ava otava konakona ovanhu tave u ya polukanda opo, nokukala yoo vali tava yandje ehongo moshiwana kombinga yoinima ya yooloka ngaashi okukala veli oupafi nomindilo nokulongifa nawa omeva.

“Ovawiliki otava ka hololwa otava kala tava longele kumwe nopolifi yomoshilando opo va kale tava tula po elandulafano komalukanda,” Akwenye ta ti.

fhamalwa@nepc.com.na


2021-11-04  Festus Nakatana

Share on social media