• May 27th, 2020
Login / Register

Esiku lyaCassinga nali kongelwe ethimbo konima yoCovid-19 – luhupe ta ti



Oshiponokela shomoCassinga ondishi okushihokolola, omasiku sho gali, ga Mei 1978, onda kanithilamo okugulu kwandje. oshowo oomwenyo odhindji, esiku oli yemateka lyo kali shi oku dhimbiwa otu na oku li dhimbulukwa sigo aluhe. 
Ngoka omatumbulo gaNendjaka lyaMakali (94), gumwe gwomoolulupe lwaCassinga. 

Makali okwa lombwela onzonkundana ndjika kutya edhimbuluko lyesiku 4 Mei, ndyoka hali dhimbulukwa omvula kehe okusimaneka oomwenyo dhaaNamibia oyendji ya sile mo1978, nuumvo olya pumbwa oku ukithwa komeho opo ngaa oshigwana shika gongale ngaashi shito sho shi li dhimbulukwe. 

Esiku ndjoka nuumvo olya yonagulwa komukithi ngoka gwa topola oshilongo gwoCovid-19, nogwa ya moshipali iituthi oyindjindji moshilongo.
Esiku lyaCassinga ohali dhimbulukiwa aluhe mesiku 04 Mei omumvo kehe, hashi ningwa nelalakano lyokudhimbulukwa aantu mboka ya sila moshiponokela shaCassinga.

Mu Mei 1978, okamba yoontauki ndjoka ya li mehala hamu ithanwa Cassinga mo Angola oya li ponokelwa kaakwiita yetanga lyaSouth Africa mboka ya dhipaga unene aakiintu naanona.

LyaMakali okwa ti nando ooluhupe lwomoshiponokela shaCassinga, inaa ya koCassinga moAngola nuumvo ngaashi sha kala hashi ningwa omumvo kehe okuza mo2016, omolwa omukithi gwo Covid -19, esiku ndika olya pumbwa okulongedhilwa esiku, momasiku gwokomeho ngele omukithi nguka gwa hulu, opo li ndjokononwe natango lyo li simanekwe ngaashi shito.
Ta ti, esiku ndyoka esiku lyasimana unene mondjokonona yaNamiba, onkene kehe gumwe neli shiwe, ye neli simaneka esiku. Olya kanena oomwenyo oshowo oombinzi dhAanamibia oyendji.

“Aanyasha naa popiwe nayo opo ya tseye ondjokonona,” lyaMakali ta ti.
Omunamimvo 58 Maria Negonga, ngoka naye a li owala okanona kokakadhona pethimbo lyoshiningwanima, okwa ti oya adhika yu uka kehala hoka haa gongala ano podhelel, sho ya mono oondhila. 

“Otwa li twa nyanyukwa,” Negonga ta ti, molwashoka oya li taa dhiladhila kutya oondhila odhe ye etela omayakulo ngoka taa pumbwa.
Okwa tsikile ko kutya ita dhimbulukwa shoka sha ningwa po, nokwa ka papudhuka ashike e li montsi naantu oyendji yalala yo yamwe taya tondoka.

Kakele kaashoka, Negonga ota ti edhimbuluko lyesiku lyaCassinga olya simana mokudhimbulukwa mboka ya kanithila oomwenyo dhawo moshiponokela.


Victoria Kaapanda
2020-05-05 09:45:48 22 days ago

Be the first to post a comment...

You might also like...