• November 26th, 2020
Login / Register

Natango ohanona yomvula yimwe ya sile mehela lyontaku


Victoria Kaapanda

ONGWEIVA-Okanona komvula yimwe oka sile mehela lyontuku natango momukunda Okathitukamwe moshitopolwa shaMusati. 

 Omugandji gwomawuyelele gwopolisi moshitopolwa moka Lineekela Shikongo okwa ti oshiningwanima osha holoka lwopotundi 16h00 yomutenya Etiyali moshikandjohogololo Onesi.

“Otaku hokololwa kutya okanona hoka  komvula yimwe noomwedhi ndatu oka li ta ka dhana megumbo nooyakwawo, mboka nayo taya tengenekwa ye thike poomvula mbali lwaampoka omanga yina a li a ya kuukamba,” Shikongo ta ti ngaaka. 

Ohanona ndjoka ya gwile mehela lyontaku, okwa li ya monika kugumwe gwomaakwanezimo sho a zi kosikola nokutondokela kuukamba e ke shi lopote.

Shika osha ningwa  omasiku omashona sho ohanona yomvula yimwe noomwedhi ntano ya gwile mehela lyontaku momukunda Okafitukasisia, moshikandjohogololo shOutapi
Shikongo okwa ti oshiningwanima shoka osha holoka potundi 13h30 moshanga shomutenya Osoondaha ya zi ko.

Okanona aniwa oka li taka dhana nooyakwawo megumbo. Oka li ka zi po no uya kondunda  hoka kwa li ku na ehela lyi na ontaku sigo opokati, nokugwila mo e taka si.

Ohanona oya ndhidhilikwa nedhina Ndamono Aina Nangolo. Aakwanezimo oya tseyithilwa.
Omakonakono gopolisi oge li metifa.   Opolisi otayi kumagidha aakuluntu ya sile oshimpwiyu  oohanona ethimbo alihe oshowo ya kumagidhe aanona kaya dhane popi nomeya unene ethimbo ndika lyomvula ya loka unene oshoka omithima nomilonga odha odha udha omeya.


Staff Reporter
2020-02-27 07:20:53 8 months ago

Be the first to post a comment...