• November 13th, 2019
Login / Register

Omupanguli a anya Rittmann a tongolwe ko moshibofa shedipao



WINDHOEK – Omupanguli momhangulilo yopombada Christi Liebenberg oshivike eshi okwa anya eindilo laRhyno Richardo du Preez, 35, opo ngeno a pangulwe a tongolwa, ngeno vaha pangulilwe pamwe nomutamanekwa mukwao Rachel Elizabeth Rittmann, 47, sha landula eshi a itavela kutya okwa dipaa shili omusamane nekwafo lomukainhu waye (Rachel) eshi ninga mefiku laAguste 23, 2013 moGobabis.

Du Preez okwa dimina kutya oye a longa shili oilonga oyo yoikulumanene, te lipopile kutya okwa li e li moihole itai nuwa meva naRachel nonghee kwa li e lilongekida opo a ninge keshe osho ta dulu opo a hafife ohonda yaye oyo. Ta ti okwa li e lihanga mohole tai tunifa omutima konima eshi Rachel e mu pula opo a ninge kaume kaye koFacebook. Okudja opo ava vavali ova kala mekwatafano lopaihole. Ta ti Rachel okwa itavela opo va dipae omulume, na okwa kala oye fimba ino ngodi melongekido ledipao lomulume. Paife ava vavali ove li mokakefa komupanguli, tava pangulilwa edipao, elongekido ledipao, oumbudi kwa homatiwa nelidimbiko ile okuya oilonga yoveta moshipala.

Epangelo ota li ti, Du Preez naRachel ova longela kumwe nokuli kunda edipao lomulume waRachel, omunamido 35 Rudolph Henry Rittmann. Taku hokololwa kutya ava vavali ova mbofaula neembele nokudipaa Rittmann meumbo laye moGobabis, ndele tava tula olutu laye motuwa yaye, tave li twala moixwa omo vaka tomeka otuwa omundilo, noku mu xwikila mo.

Du Preez, ye naRachel ongula yefiku 01 Sepeteba, 2013 okupenduka efiku va penduka mombete imwe. Ta ti okwa li a landa eengodi dokumanga moWindhoek ndele tai koGobabis konima eshi a mona okatumwalaka kokongodi ka dja kuRachel kutya navaye vaka dipae Rittman shaashi ope na omupofi. 

Eshi e ya moGobabis, Rachel oo a fiila owina pohofa pa yuuluka, okwe mu lombwela a holame moshixwa shi li mohofa yeumbo lavo omo Rachel nomulume Rittman vali hava di.  

Eshi e uya meumbo okwa hanga Rittman e li mombete a kofa, nokwa kufa ongodi ngele ta mangele ngeno omaulu a ye kumwe. Ashike Rittman okwa penduka mo meemhofi, ndele ta tameke okukondja. Okwa kwata nakufya ndele ta tumu Rachel opo a ete ombele, yoo oyo nee a longifa okutwa Rachel lwoikando ihapu, fiyo ta fi. 

Voo naRachel ova ka kufa oimaliwa kokambo kombaanga yanakufya, na Rachel okwe mu pa poo N$1500 yomahooli, nomeva, ndele tava shuna keumbo opo vaka wapaleke opo va longela oikulumanene. 
Okwa fiya Rachel meumbo ndele ta shingi a yuka kombinga yokoWindhoek oko a ka xwika po otuwa, nolutu laRittman li li meni. 

Konima eshi ehokololo laye la leshwa, Ileni Gebhart, omushiviveta a kalela po Du Preez ta futwa kepangelo okwa pula opo ngeno Du Preez naRachel va tukulwe yee keshe umwe e lipangulilwe shaashi fiyo opaife Rachel ota ti yee ke na mo ombedi medipao.  

Ashike omukalelipo wopaveta wepangelo Advocate Marthino Olivier okwa dika eenyala medu ta ti ava vavali ita va dulu okutongolwa ko kumwe.  Omupanguli Liebenberg okwa ti okwa pumbwa okutalika kutya, ovapangulwa ava vavali otava dulu shili okuliludila ashike itashi ti omhangu otai ke va tala nokuhena ouyuuki.
“Nokuli oshi li mouwa wouyuuki ngeenge ova tamanekwa ova pangulilwa pamwe opo omhangu i ongele oumbangi aushe mepeko limwe,,” omupanguli ta ti. 

Ta ti Du Preez ke na nande omomhito imwe a holola kutya ngeenge okwa pangululwa pamwe naRachel ita ka pangulwa pauyuuki. Onghela ovanailonga kOldmutual oko kwa li kuna omapungulilo aRittman ova lomwela ohofa kutya Rachel okwa pula opo a lombwelwe kutya omusamane waye oku na ko oimaliwa ifike peni, e shi ninga ashike omafiku manini omanga Rittman ina fya.


Roland Routh
2019-03-08 15:09:53 8 months ago

Be the first to post a comment...

You might also like...