• May 31st, 2020
Login / Register

Ondhila yaUSA ya gwa mewangandjo moAfghanistan



Etanga lyegameno lyaUS olya koleke kutya ondhila yawo yimwe oya li ya gu mombanda muuzilo waAfghanistan mOmaandaha. Colonel Sonny Leggett ta ti: “Manga shoka sha eta oshiponga shika opo tashi konaakonwa, kape na omandhindhiliko kutya oshiponga shika osha etwa koshilwitho shomutondi.
Ondhila oya li ya gu mombanda moshitopolwa shaDeh Yak, Ghazni moka mu na ongundu yoTaliban oyindji. Inashi yela natango kutya mondhila omwa li aantu yangapi. Colonel Leggett ta ekelehi wo omapopyo goTaliban kutya ondhila yimwe oya gwa mo ishewe. Omapandja goTaliban kosocial media oga ulika uuvidio inaawu kolekwa tawu ulike ondhila yetanga lyomombanda lyaUS tayi pi.
Okavidio otaka ulike  ondhila yoludhi lwoBombardier E-11A- oludhi lwondhila ndoka halu longithwa koUS Air Force okutala iiikwamalusheno gaAfghanistan.
Aanapangelo yaAfghanistan oya li ya ti petameko kutya ondhila ndjoka oyokampani yepangelo yedhina Ariana, ashike okampani oya li ya ikala nokupopya kutya oondhila adhihe dhawo oye dhi na. Nonando omandhagadhaga haga yi miiponga olundji moAfghanistan, oondhila dha US okuya miiponga oshinima sha pumba. Ondhila ndjoka ya mona oshiponga oyoE-11A, yimwe ashike yomoondhila ine metanga lyaAmerica lyomewangandjo.
Ondhila ndjika oya li ya hogololwa sho hayi vulu okutuka mombanda muule. Oyi na iikwamalusheno oyindji: iilonga yawo okuninga omakwatathano omahwepo pokati komatanga gomewangandjo naangoka gokolupadhi, osho wo pokati koondhila dha yooloka.


Staff Reporter
2020-01-29 10:39:18 4 months ago

Be the first to post a comment...