• September 21st, 2020
Login / Register

Oshikuti sha ponyo e ta yaha he okusa


ONGWEDIVA - Omulumentu gwomimvo 40, okwa mangwa po kopolisi nokupatululilwa oshipotha shedhipago sho a yaha nakumuvala nondjembo nokusa, ihe aniwa ine shi ningila owina. Oshiningwanima shika osha li sha ningwa ongula yOsoondaha ya zi ko.
Oshiningwanima osha holoka potundi 08:30 yongula mOsoondaha momukunda Okafitu Kakuni mOutapi moshitopolwa shaMusati.
Omukonaakono gwiimbuluma oshowo omupevikuluntu gwopolisi moshitopolwa shaMusati Moses Simaho okwa li a koleke oshiningwanima shika.

“Naku yahwa okwa li a yahwa komonamati, ngoka aniwa a li e na elalakano lyokuyaha ongombe, nani okwa yaha ashike he. Oshikuti osha li sha yaha he montulo oshowo mothingo,”Simaho ta ti ngaaka.
Okwa gwedha po ta ti okwa li a falwa meendelelo koshipangelo oshinene shOutapi, hoka a ka hulithila.
Okwa tseyika nedhina Ignatius Higius Nakawa , gwomimvo 66, a yambukile momukunda tuu moka mwa ningilwa oshiningwanima.
Olutu lwe, oluli mokila yaOutapi, ihe otalu kafalwa kokila kOkahao. Aakwanezimo oya tseyithilwa, nomakonaakono gopolisi oge li metifa.


Victoria Kaapanda
2020-06-16 09:13:29 3 months ago

Be the first to post a comment...