• October 27th, 2020
Login / Register

Osikola Engombe otayi ka pata


Aavali otaya nyenyeta  aanona yawo taya sikola koosikola dh kokule momukunda Engombe moshitopolwa shUuvudhiya omolwa oongundu oonene kadhi po posikola Engombe.
Omuvali gumwe okwa nyenyeta ta ti, aanona yawo oye ya gandja komagumbo ge li popepi noosikola  dhi na oongundu oonene, ihe nena momagumbo oye li mo oyo ayeke kaye na aayambidhidhi.

“Aanona oye li po aashona posikola oshoka aanona yetu momagumbo otwe ya tembudha mo omolwa oongundu oonene kadhi po posikola Engombe ndjoka yi li popepi natse,” Omuvali gumwe a popi ngaaka.
Ta ti ngele oya eta oongundu oonene posikola mpoka, uunona awuhe momukunda moka nowo pomikunda dhopopepi, dhi na uunona wu li moongundu oonene otawu galukile posikola.

“Posikola mpoka ope na uunona wu li moongundu dha yooloka ihe otawu longelwa mongulu yimwe,” Omuvali ta ti ngaaka. 
Oosikola ndjoka ngaashingeyi oyi na ongundu okuza oshikunino sigo ontitatu. Oya taalela omashongo gaanasikola aashona mboka ye li ashike 26 osikola ayihe.

Kansela gwoshikandjohogololo Uuvudhiya Amutenya Ndahafa okwa li a fatululile noku uvitha ko aavali ta ti, osikola ndjoka itayi vulu okugwedhwa oongundu oonene omolwa omwaalu omushona gwaanona posikola.
“Edhiladhilo lyokugwedhela oongundu dhimwe ehepitho lyoshimaliwa shepangelo. Aanona mboka aashona nale posikola, oongundu ndhoka otadhi ka kuutumbwa kaanona taya zi peni ngele ka yepo nale?,”Amutenya a popi ngaaka.
Ta ti, otaya longekidha aanona ayehe mboka ye li posikola mpoka, ya ka tsikile osikola posikola Dr Chief Ankama moshikandjohogololo shaMpundja  moshitopolwa shaShana.

Ta gwedhapo ta ti, osikola ndjoka hayo ashike tayi ka pata natango ope na dhimwe ndhoka tadhi k apata omolwa omwaalu gwaanasikola gu li pevi. 
Moshitopolwa moka natango omu na osikola Ontako ndjoka ya patele oomvula ngiika ine dha pita, omolwa omwaalu gwaanona gu li pevi.
Osikola ndjoka Dr Chief Ankama otayi kala yi na omuhandjo gwaanisikola oku ya kwathela kaya ende iinano iile.  


Victoria Kaapanda
2020-10-06 10:31:02 21 days ago

Be the first to post a comment...

You might also like...